Almonds: బాదం పప్పు తినడం ఆరోగ్యానికి చాలా మంచిది.. ముఖ్యంగా నానపెట్టిన బాదం పప్పు తింటే అనేక రకమైన ఆరోగ్య సమస్యల నుంచి బయటపడవచ్చు.. అయితే గర్భిణీ స్త్రీలు బాదం పప్పు తినవచ్చా..!? తింటే ఎటువంటి ప్రయోజనాలు కలుగుతాయి..!! అధ్యయనాలు ఏం చెబుతున్నాయో ఇప్పుడు తెలుసుకుందాం..!!
పేరేంటి ఫస్ట్ క్రై అధ్యయనం ప్రకారం గర్భాధారణ సమయంలో ముడి బాదం తినడం సురక్షితం. వాటిలో ఐరన్, క్యాల్షియం, ఫోలిక్ యాసిడ్, ఫైబర్ పుష్కలంగా ఉన్నాయి.. గర్భిణీ స్త్రీలు ప్రతినిత్యం ఆరోగ్యకరమైన పదార్థాలు తినాలని ఆరోగ్య నిపుణులు సూచిస్తున్నారు. బాదం పప్పు పోషకాల గని. వీటిని ప్రతిరోజు ఆహారంలో భాగం చేసుకోవడం వల్ల తల్లి, బిడ్డ ఇద్దరు ఆరోగ్యంగా ఉంటారు.. రాత్రిపూట నానపెట్టిన బాదం తినడం వల్ల జీర్ణక్రియ అభివృద్ధి చెందుతుంది తొక్క తీసేసి తింటే మరింత ప్రయోజనం కలుగుతుంది. గర్భం దాల్చిన మొదటి నెల నుండి చివరి నెల వరకు తినవచ్చు. ఉదయం, సాయంత్రం రెండు పూట్ల తింటే చాలా మంచిది.. అయితే 5 -6 పప్పులకు మించి ఎక్కువ తినకూడదని గుర్తుంచుకోవాలి..
కొంత మంది గర్భిణీ స్త్రీలకు డ్రై ఫ్రూట్స్ తింటే అలర్జీ వస్తుంది. అటువంటి వారు బాదంపప్పు తిన్నా కూడా అలర్జీ సమస్యలు వస్తాయి. అలాంటి వారు బాదంపప్పు తినకూడదు.. ఒకవేళ బాదం పప్పు తింటే మీకు ఎటువంటి అలర్జీ సమస్యలు రాకపోతే.. రోజుకు రెండు బాదం పప్పు నుంచి క్రమంగా ఆరు బాదం పప్పు వరకు పెంచుకుంటూ తినొచ్చు. ఇలా మొదటి నెల నుంచి చివరి నెల వరకు నానబెట్టిన బాదం పప్పు తింటే చాలా మంచిది. మరి ఇంకెందుకు ఆలస్యం గర్భిణీ స్త్రీల భర్తలు ప్రతినిత్యం ఆమె బాదం పప్పు తినేలా చూసుకునే బాధ్యత మీదే.
