Protein Shake: ఒకప్పుడు ప్రోటీన్ షేక్స్ పేరు అంటే తెలియకపోవచ్చు.. కానీ ఇప్పుడు ఇది అందరికీ సుపరిచితమే.. ఈ రోజుల్లో ఎక్కువ మంది ప్రోటీన్ షేక్స్ తాగుతున్నారు.. అయితే ప్రోటీన్ షేక్ ఏ వయసువారు తాగితే ఆరోగ్యానికి మంచిదా..!? అన్ని రకాల వయసులో వారు దీనిని తాగవచ్చా..!? తాగితే ఏమైనా అనర్ధాలు కలుగుతాయి.. అనే విషయలు ఇప్పుడు చర్చించుకుందాం..!!
కెనడా లోని మెక్మాస్టర్ యూనివర్సిటీ పరిశోధకులు చేసిన అధ్యయనం లో.. ప్రోటీన్ షేక్ లను 70 సంవత్సరాలు ఉన్న వారు, లేదంటే అంత కంటే ఎక్కువ వయస్సు ఉన్నవారు తీసుకుంటే మంచిదని.. వారికి శారీరకంగా శక్తి లభిస్తుందని తేల్చి చెప్పారు.. ఇందుకోసం కొంత మంది వృద్ధులు పై పరిశోధనలు చేశారు. 70 సంవత్సరాలు వయస్సు ఉన్నవారి వారిలో సగం మందికి ఆరు వారాలపాటు ప్రొటీన్ షేక్ ఇచ్చారు. మిగతా సగం మందికి ఏమి ఇవ్వలేదు. ఆ తరువాత 12 వారాల పాటు రెండు గ్రూపులు లోని వారికి ఇచ్చారు. షేక్ తో పాటు చిన్న చిన్న ఎక్సర్ సైజ్ లు చేయించారు. ఆ తరువాత టెస్ట్ చేస్తే మొదటి నుంచి ప్రోటీన్ షేక్ ఇచ్చిన వారిలో కండ పెరుగుదల కనిపించింది. అలాగే శక్తి కూడా లభించింది. ఇంకా మానసికంగా కూడా ఆహ్లాదంగా ఉన్నారు. ప్రోటీన్ సరిగా అందని వృద్ధులు తమ రోజువారి పనులు కూడా సరిగా చేసుకోలేరు. ఎక్కువ సేపు కుర్చీలో కూర్చోవడం చేస్తూ ఉంటారు. అంటే ప్రోటీన్ షేక్ తాగే వారిలో వారి పనులు వారు చేసుకోవడం సులువు అయింది అని తేలింది. శరీరాన్ని తగినంత ప్రోటీన్ అందించాలి. అయితే ప్రోటీన్ లోపం అనిపిస్తే న్యూట్రిషన్ సంప్రదించి సరైన పోషకాహారం తీసుకోండి.