Pushpa Item Song: సుకుమార్ సినిమాలో కచ్చితంగా ఓ ఐటమ్ సాంగ్ ఉండటం ఆనవాయితీగా వస్తుంది.. సుకుమార్ – దేవిశ్రీ కాంబినేషన్ లో వచ్చిన ప్రీతి ఐటమ్ సాంగ్ హిట్టే.. అ అంటే అమలాపురం నుంచి జిగేల్ రాణి పాట వరకు అన్ని మోత మోగించాయి.. ఈ నేపథ్యంలో పుష్ప సినిమాలో కూడా అదిరిపోయే ఐటమ్ సాంగ్ ప్లాన్ చేశాడట సుక్కు.. దీని కోసం మళ్లీ జిగేల్ రాణి పూజ హెగ్డే ని రంగంలోకి దింపాలని చూస్తున్నాడట..
రంగస్థలం సినిమాలో జిల్ జిల్ జిగేలురాణి.. పాటతో కుర్రకారుని ఓ ఊపు వేసింది.. ఇప్పుడు అదే క్రేజ్ ను సుకుమార్ వాడుకోబోతున్నాడు.. అందుకే మరోసారి పుష్ప కోసం పూజ హెగ్డే ని సంప్రదించాడట. ఇప్పటికే పూజాహెగ్డే బన్నీ సరసన రెండు సినిమాలు చేసింది.. ఈ సినిమాలో ఐటమ్ సాంగ్ లో నటిస్తే ముచ్చటగా మూడు చిత్రాలు అవుతాయి.. మరి బన్నీ కోసమైనా పూజా హెగ్డే ఈ సినిమాలో నటిస్తుంది ఏమో చూడాలి.. ఒకవేళ పూజా హెగ్డే కి కుదరని పక్షంలో.. మరో ఆప్షన్ గా దిశా పటేల్ ని ఐటమ్ సాంగ్ కోసం ఎంపిక చేయబోతున్నారట మేకర్స్.. మరి ఈ ఇద్దరిలో ఎవరు పుష్ప మూవీ లో ఐటమ్ సాంగ్ లో అలరిస్తారో వేచి చూడాలి..
ఇప్పటికే దేవిశ్రీ ప్రసాద్ ఈ సినిమా లో ఐటమ్ సాంగ్ కోసం జానపద నేపథ్యంలో ఓ పాటను రాశాడట. ఎర్రచందనం స్మగ్లింగ్ ఈ నేపథ్యంలో తెరకెక్కుతున్న ఈ సినిమాలో బన్నీ సరసన రష్మిక మందన నటిస్తోంది.. ఈ సినిమాను రెండు పార్టులుగా విడుదల చేయనున్నట్లు ప్రకటించారు మేకర్స్.. ఈ సినిమాలో విలన్ గా ఫాహద్ ఫాజిల్ నటిస్తున్నారు. ఈ సినిమా నుంచి విడుదలైన టీజర్ తో ఈ చిత్రంపై భారీ అంచనాలు ఏర్పడ్డాయి ప్రేక్షకుల్లో..