Rana : హీరో దగ్గుబాటి రానా టాలీవుడ్ ఇండస్ట్రీకి మాత్రమే పరిమితం కాక చాలా ఇండస్ట్రీలలో సినిమాలు చేస్తూ కెరీర్ కొనసాగిస్తున్న సంగతి తెలిసిందే. వైవిధ్యమైన స్టోరీలు ఎంచుకుంటూ ఇతర హీరోలతో పాటు నటిస్తూ ఎక్కడా కూడా తనకి తానుగా సెపరేట్ ఇమేజ్ క్రియేట్ కాకుండా ప్రయోగాత్మకమైన సినిమాలు చేస్తూ కెరియర్ బండి లాగిస్తున్నాడు. అటువంటి రానా తాజాగా ఓ ఇంటర్వ్యూ లో పాల్గొనడం జరిగింది. ఈ సందర్భంగా తన వ్యక్తిగత విషయాల గురించి చెప్పుకొచ్చారు.
ఈ కార్యక్రమంలో భాగంగా యాంకర్ ..రాత్రి 3:00 అయినా..మీరు ఫోన్ చేసి మీ బాధలు చెప్పుకునే వ్యక్తి పేరు చెప్పండి అని ప్రశ్నించారు. దానికి రానా స్పందిస్తూ తాను అర్ధరాత్రి ఫోన్ చేసి నా బాధలు పంచుకునే వ్యక్తి ..ఖచ్చితంగా రామ్ చరణ్ ఏ మాత్రం ఆలోచించకుండా చెప్పాడు. పెళ్లయిన తర్వాత కాస్త తగ్గింది అంతకుముందు …ఏ టైంలో అయినా చరణ్ తో అనేక విషయాలు పంచుకోవటం జరిగిందని రాణా తెలిపాడు. ఇదే క్రమంలో మెగా కాంపౌండ్ లో బన్నీతో కూడా మంచి బౌండింగ్ ఉందని చెప్పుకొచ్చాడు.
కెరియర్ లో డిఫరెంట్ సినిమాలు చేయటానికి కారణం బన్నీ అని పేర్కొన్నాడు. ఒకానొక టైమ్లో అతనితో మాట్లాడిన సమయంలో హితబోధ చేశాడు అతని మాటల వలన నా ఆలోచన ధోరణి మొత్తం మారిందని రానా సరి కొత్త విషయాన్ని బయట పెట్టాడు. డిఫరెంట్ సబ్జెక్ట్ సినిమాలు చేయడానికి అసలు కారణం అల్లు అర్జున్ అని రానా చెప్పుకొచ్చాడు. తనకు చరణ్ ఏ ఏవిధంగా సలహాలు ఇస్తాడో అదేరీతిలో..బన్నీ, ప్రభాస్ కూడా సలహాలిస్తుంటారు అని రానా తెలిపాడు.