Ranbir Alia Wedding: బాలీవుడ్ ప్రేమ జంట రణబీర్ కపూర్.. ఆలియా భట్ ల వివాహం మరికొద్ది గంటల్లో జరగనుంది. ఏప్రిల్ 13వ తారీకు వీరిద్దరి మెహంది వేడుక ఘనంగా జరిగింది. ఈ వేడుకకు రెండు కుటుంబ సభ్యులతో పాటు బాలీవుడ్ ప్రముఖులు కరణ్ జోహార్, నీతూ కపూర్, పూజాభట్, మహేష్ భట్, కరీనా కపూర్, కరిష్మా కపూర్, అయాన్ ముఖర్జీ.. ఇంకా చాలా మంది ప్రముఖులు హాజరయ్యారు. అయితే ఈ రోజు రాత్రి ఏడు గంటల తర్వాత పెళ్లి జరగనున్న తరుణంలో… పెళ్లి జరిగే చుట్టుప్రక్కల ప్రాంతాల మొత్తం భద్రతా వలయంలో ఉంది. పోలీసులతో పాటు 200 మంది బౌన్సర్లు అదనంగా కూడా.. పెళ్లి వేడుక చుట్టూ వలయంగా ఉన్నట్లు సమాచారం. 
వాస్తవానికి రణబీర్.. ఆలియా భట్ పెళ్లి గత ఏడాది జరగాల్సి ఉంది. కానీ కొన్ని అనివార్య కారణాల వల్ల వాయిదా పడుతూ వచ్చింది. చివరాఖరికి ఇప్పుడు ఈ రోజు ఒకటి అవుతున్న తరుణంలో.. బాలీవుడ్ ఇండస్ట్రీలో సందడి నెలకొంది. ముంబైలోని బాంద్రాలో ఉన్న రన్ బీర్ ఇంటిలో ఈ పెళ్లి వేడుక జరుగుతుంది. ఈ క్రమంలో పెళ్లి లో తన కాబోయే భార్య ఆలియాకి రణబీర్ కపూర్… ఏకంగా ఎనిమిది వజ్రాలు పొదిగిన ఖరీదైన వెడ్డింగ్ బ్యాండ్.. బహుమతిగా ఇవ్వటం.. తో పాటు పెళ్లి టైంలో ఆ బ్యాండ్ ఆలియా భట్ ధరించనున్నట్లు వార్తలు వస్తున్నాయి. 
పెళ్లి వేడుకకు కేవలం 45 మంది కుటుంబ సభ్యులకి మాత్రమే అనుమతులు ఇచ్చినట్లు సమాచారం. అయితే పెళ్లి తర్వాత జరగబోయే సంగీత్ కార్యక్రమానికి మాత్రం భారీ ఎత్తున ఇండస్ట్రీ నుండి ప్రముఖులు వచ్చేలా ఏర్పాట్లు చేయనున్నట్లు తెలుస్తోంది. ఇక ఇదే సమయంలో పెళ్లికి సంబంధించి ఎటువంటి ఫోటోలు బయటకు రాకుండా రణబీర్ టీం కట్టుదిట్టమైన ఏర్పాట్లు చేసినట్లు.. పెళ్లికి హాజరు అయ్యే వాళ్లు కూడా సెల్ ఫోన్ లు.. తీసుకురాకుండా.. షరతులు విధించటం జరిగిందట. మొత్తం మీద గత ఏడాది జరగాల్సిన.. రణబీర్ ఆలియా భట్ పెళ్లి .. ఈరోజు అత్యంత భద్రత వలయం మధ్య జరుగుతూ ఉండటంతో.. ఈ వేడుక ట్రెండింగ్ గా నిలిచింది.
