#RT68: మాస్ మహారాజా రవితేజ నటిస్తున్న “ఖిలాడి” సినిమా షూటింగ్ శరవేగంగా జరుగుతోంది.. ఈ సినిమా తరువాత మరో కొత్త సినిమాలో నటించనున్నట్లు ఇటీవల ప్రకటించిన విషయం తెలిసిందే. తాజాగా రవితేజ నటిస్తున్న 68వ చిత్రం గురించి లేటెస్ట్ అప్ డేట్ వచ్చేసింది..!! #RT68 రెగ్యులర్ షూటింగ్ జులై 1 ఈరోజు నుంచి హైదరాబాద్ లోని ఓ అల్యూమినియం ఫ్యాక్టరీలో ప్రారంభించారు..!! ఈ సందర్భంగా #RT68 చిత్రానికి సంబంధించిన ఓ ఇంట్రెస్టింగ్ పోస్టర్ను విడుదల చేశారు మేకర్స్..!!
#RT68 చిత్రంతో శరత్ మండవ దర్శకుడిగా పరిచయం అవుతున్నారు. ఈ చిత్రాన్ని శ్రీ లక్ష్మీ వెంకటేశ్వర సినిమాస్ బ్యానర్ పై సుధాకర్ చేకూరి నిర్మిస్తున్నారు. ఈ సినిమాలో లో మాస్ మహారాజా సరసన మజిలీ ఫేమ్ దివ్యన్ష కౌశిక్ నటిస్తోంది. నరేష్, నాజర్, పవిత్రా లోకేష్, రాహుల్ రామకృష్ణ, సురేఖ వాణి తదితరులు ఈ చిత్రంలో నటిస్తున్నారు. తాజాగా విడుదలైన ఈ సినిమా పోస్టర్ చూస్తుంటే రవితేజ ప్రభుత్వ ఉద్యోగిగా ఈ చిత్రంలో కనిపించనున్నాడని తెలుస్తోంది. వాస్తవ సంఘటనల ఆధారంగా రూపొందుతున్న కథతో యాక్షన్ థ్రిల్లర్ ని తెరకెక్కిస్తున్నారు. సత్యన్ సూర్యన్ సినిమాటోగ్రాఫర్ గా, ప్రవీణ్ కె.ఎల్ ఎడిటింగ్ వర్క్ చేస్తున్నారు ఈ చిత్రానికి శ్యామ్ సిఎస్ సంగీతం సమకూరుస్తున్నారు.