Red Amaranth: ఆరోగ్యాన్ని పెంపొందించడంలో ఆకుకూరలు ముందుంటాయి.. ఆకుకూరలకు రాణి తోటకూర.. మరి ఎర్ర తోటకూర గురించి ఎప్పుడైనా విన్నారా..!? తింటే ఎటువంటి ఆరోగ్య ప్రయోజనాలు కలుగుతాయో తెలుసా..!?
సాదారణ తోటకూర తో పోలిస్తే ఎర్ర తోటకూర లో పోషకాలు ఎక్కువ. ఎర్ర తోటకూర లో విటమిన్ ఎ, బి, సి, ఇ, ప్రోటీన్స్ సమృద్ధిగా లభిస్తాయి. పొటాషియం, మెగ్నీషియం, జింక్, ఐరన్, క్యాల్షియం, మాంగనీస్, యాంటీ ఆక్సిడెంట్స్, ఫైబర్ అధికంగా ఉన్నాయి. అధిక రక్తపోటు తో బాధపడుతున్న వారు వారంలో రెండు సార్లు కచ్చితంగా ఎర్ర తోటకూర ను తినాలి. ఇది బీపీ ను నియంత్రణలో ఉంచుతుంది. ఇంకా గుండె సంబంధిత సమస్యలు రాకుండా చేస్తుంది.
ఎర్ర తోటకూర తీసుకుంటే రక్త హీనత ను తగ్గిస్తుంది. రోగ నిరోధక శక్తిని పెంచుతుంది. ఇందులో ఉండే ఫైబర్ ఉదర సంబంధిత సమస్యలను నివారిస్తుంది. వీటిలో ఉండే యాంటీ ఆక్సిడెంట్లు క్యాన్సర్ కణాలకు వ్యతిరేకంగా పోరాడతాయి. క్యాన్సర్ రాకుండా అడ్డుకుంటాయి. ఇంకా వృద్ధాప్య ఛాయలను తొలగిస్తుంది. ఈ ఆకుకూర లో కేలరీలు తక్కువ. అందువలన దీనిని తింటే బరువు తగ్గవచ్చు. గర్భిణీలు ఈ ఆకుకూర తింటే పిండం ఎదుగుదల బాగుంటుంది. ఇందులో ఉండే క్యాల్షియం ఎముకల వ్యాధులు రాకుండా చేస్తుంది. ఇది జీర్ణ వ్యవస్థను బలోపేతం చేస్తుంది. ఇంకా దృష్టి లోపాలను సరిచేస్తుంది.