Renu Desai: దేశంలో కరోనా సెకండ్ వేవ్ కారణంగా చాలామంది కరోనా బారిన పడుతున్న రోజుల్లో అనేక అవస్థలు పడుతున్నారు. వారిని ఆదుకోవడం కోసం సెలబ్రిటీలు ప్రభుత్వాలకు విరాళాలు ప్రకటిస్తూనే మరో పక్క నేరుగా సాయం చేస్తూ ఉన్నారు. ఈ విషయంలో మొదటి నుండి ముందు ప్లేస్ లో ఉన్నారు సోనుసూద్. తాజాగా టాలీవుడ్ ఇండస్ట్రీలో సెలబ్రిటీలు సైతం కరోనా బారిన పడుతున్న రోగులను ఆదుకోవడానికి ముందుకు వస్తున్నారు. దీనిలో భాగంగా రేణు దేశాయ్ తన ఇంస్టాగ్రామ్ ద్వారా ఇప్పటికే చాలా మంది కరోనా రోగులకు వైద్య పరంగా అనేక రీతులుగా సహాయపడటం జరిగింది.
ఈ క్రమంలో తన దృష్టికి ఆక్సిజన్ సిలిండర్లు అదేవిధంగా హాస్పిటల్స్ బెడ్ కావాలన్న వారికి తన వంతు గా.. తన పరిధిలో ఉన్న ఇన్ఫర్మేషన్ మేరకు రేణు దేశాయ్ సహాయ కార్యక్రమాలు చేస్తూ వచ్చారు. అయితే ఈ క్రమంలో కొంతమంది ఆకతాయిలు ఇంస్టాగ్రామ్ మెసెంజర్ కి హాయ్.. హలో అంటే అనవసరమైన మెసేజ్ లు పెట్టడం తో చాలామంది సహాయం కోరిన వారి మెసేజ్ లు కిందకు వెళ్లిపోవడంతో… అటువంటి మెసేజ్ లు పెట్టకూడదు అని మొన్న రేణు దేశాయ్ వీడియో రూపంలో వార్నింగ్ ఇవ్వడం జరిగింది.
Read More: Renu Desai: పవన్ ఫ్యాన్స్ పై కీలక వ్యాఖ్యలు చేసిన రేణు దేశాయ్..!!
అయినా గాని ఆకతాయిలు ఇష్టానుసారంగా వ్యవహరించడంతో…రేణు మెసెంజర్ బాక్స్ క్లోజ్ చేయడం జరిగింది. ఇలాంటి తరుణంలో తాజాగా ఈ విషయానికి సంబంధించి వీడియో రూపంలో మాట్లాడుతూ తన హెల్ప్ కావలసినవారు కామెంట్ల రూపంలో తెలియజేయాలని కోరారు. రేణు దేశాయ్ వీడియో మాట్లాడుతున్న సమయంలోనే మరి కొంతమంది ఆకతాయిలు మి పర్సనల్ నెంబర్ చెప్పండి అని కోరడం జరిగింది. వెంటనే రేణు దేశాయ్ ఊహించని రిప్లై ఇచ్చారు. ఇప్పుడు తన పర్సనల్ నెంబర్ ఇవ్వలేనని.. ఒకవేళ తాను ఎన్జీవో ప్రారంభిస్తే అప్పుడు ఇస్తానని తనదైన శైలిలో చెప్పుకొచ్చారు.