RRR Movie: దర్శకధీరుడు రాజమౌళి తెరకెక్కిస్తున్న ప్రతిష్ఠాత్మక చిత్రం ఆర్ఆర్ఆర్.. మల్టీ స్టారర్ గా రూపొందుతున్న ఈ చిత్రంలో జూనియర్ ఎన్టీఆర్, రామ్ చరణ్ ప్రధాన పాత్రలలో నటిస్తున్నారు.. ఇద్దరు స్వాతంత్ర సమరయోధులు జీవితం ఆధారంగా తెరకెక్కుతున్న కల్పిత కథ ఆర్ఆర్ఆర్ రౌద్రం రణం రుధిరం.. ఈ చిత్రంలో లో కొమరం భీమ్ గా జూనియర్ ఎన్టీఆర్, అల్లూరి సీతారామరాజు గా రామ్ చరణ్ నటిస్తున్నారు.. వీరిద్దరి సరసన ఒలివియా మోరీస్, అలియాభట్ నటిస్తున్నారు. ప్రముఖ నటుడు అజయ్ దేవగన్ కీలకపాత్ర పోషిస్తున్నారు. సినిమా కోసం దేశవ్యాప్తంగానే కాకుండా ప్రపంచవ్యాప్తంగా కూడా ఎదురుచూస్తున్నారు అంటే అతిశయోక్తి కాదు.. తాజాగా ఈ చిత్రం నుండి లేటెస్ట్ అప్ డేట్ వచ్చేసింది.. ఆర్ఆర్ఆర్ చిత్రం నుండి మొదటి పాటను రిలీజ్ చేయనున్నట్లు ప్రకటించారు చిత్ర యూనిట్..!!
ఈ చిత్రం నుండి ఫ్రెండ్ షిప్ డే రోజున ఒక పాట విడుదల అవుతుంది అంటూ సోషల్ మీడియాలో టాక్ నడుస్తోంది.. ఇప్పుడు అదే వార్తలను నిజం చేసింది ఆర్ఆర్ఆర్ టీమ్.. ఆగస్టు 1న ఉదయం 11 గంటలకు కు ఆర్ఆర్ఆర్ నుంచి మొదటి పాట దోస్తీ పేరుతో విడుదల చేయనున్నారు. ఐదు భాషలలో 5 ప్రముఖ గాయకులు ఈ పాటను ఆలపించారు. ఈ సాంగును ఐదు భాషల్లో విడుదల కానుండటంతో ఆర్ఆర్ఆర్ అభిమానులు ఫుల్ ఖుషీగా ఉన్నారు.. ఈ పాటను తెలుగులో సిరివెన్నెల సీతారామశాస్త్రి లిరిక్స్ రాయగా, కీరవాణి సంగీత సారథ్యంలో హేమచంద్ర పాడనున్నారు.. మిగతా నాలుగు భాషల్లో అనుదీప్, అమిత్ త్రివేది, విజయ్ ఏసుదాసు, నజీర్ ఈ పాటను ఆలపించారు.. అక్టోబర్ 13న ప్రపంచవ్యాప్తంగా ఆర్ఆర్ఆర్ విడుదల కానుంది..