Russia Ukraine War: ఉక్రెయిన్ ఆక్రమన్నే లక్ష్యంగా రష్యా భారీ ఎత్తున దాడులకు పాల్పడుతున్న సంగతి తెలిసిందే. గత కొద్ది రోజుల నుండి రష్యా బలగాలు ఉక్రెయిన్ సృష్టిస్తున్న విధ్వంసానికి మిగతా ప్రపంచ దేశాలు బెంబేలెత్తిపోతున్న పరిస్థితి ఏర్పడింది. ఉక్రెయిన్ అధ్యక్షుడు జెలేస్కి… మరోపక్క రష్యా అధ్యక్షుడు పుతిన్ ఎవరు కూడా తగ్గటం లేదు. ఇటువంటి తరుణంలో తాజా పరిస్థితి బట్టి ప్రపంచంలో మూడో ప్రపంచ యుద్ధం వచ్చే అవకాశం ఉందని అంతర్జాతీయంగా వార్తలు వస్తున్నాయి.
పరిస్థితి ఇలా ఉంటే రష్యా బలగాలు ఉక్రెయిన్ లో పేరుగాంచిన నగరాలను టార్గెట్ చేసుకుని బాంబుల వర్షం కురిపిస్తున్నాయి. ఈ క్రమంలో మొన్నటివరకు రాజధాని కీవ్ పై దాడులకు పాల్పడ్డ ఇప్పుడు..ఉక్రెయిన్ లో రెండో అతిపెద్ద నగరం ఖారకివ్ పై బాంబుల వర్షం కురిపిస్తూ ఉంది. ఈ తరుణంలో ఈ నగరంలో ఉన్న పాఠశాలల పై మరియు సినిమా థియేటర్లపై రక్షా బలగాలు దాడులు చేయడంతో స్కూల్ పిల్లలతో పాటు సామాన్యులు అనేక మంది మరణించడం జరిగింది.
దీంతో తాజాగా ఘటనపై అంతర్జాతీయ సమాజం రష్యా తీరుపై విమర్శలు చేస్తున్నారు. సామాన్య జనులపై దాడులు చేయడం అన్యాయం అని అది మరీ ముఖ్యంగా స్కూల్ పిల్లల పై దాడులు చేయడం అన్యాయం అని సోషల్ మీడియాలో విమర్శలు చేస్తూ ఉన్నారు. ఇదిలా ఉంటే రష్యాలో పరిస్థితిని అదుపు చేయడానికి శుక్రవారం చైనా మరియు అమెరికా అధ్యక్షులు ఇద్దరు భేటీ కానున్నారు. దాదాపు రష్యా యుద్ధం విరమించే దిశగా… పరిస్థితులు మారడం ఉన్నట్లు అంతర్జాతీయ మీడియాలో వార్తలు వస్తున్నాయి.