కాఫీ విత్ కరణ్ జోహార్ షోలో బన్నీ పై సమంత సంచలన కామెంట్స్..!!

హిందీలో “కాఫీ విత్ కరణ్ జోహార్ షో” కి మంచి క్రేజ్ ఉంది. ప్రారంభంలో బాలీవుడ్ ఇండస్ట్రీకి చెందిన సెలబ్రిటీలతో దాదాపు 5 సీజన్ లు షో చేయడం జరిగింది. ప్రస్తుతం ఇండియాలో సౌత్ ఫిలిం ఇండస్ట్రీ హవా కొనసాగుతూ ఉండటంతో తాజా సీజన్ లో కరణ్ జోహార్ చాలా వరకు సౌత్ సెలబ్రిటీలను ఇంటర్వ్యూ చేస్తూ ఉన్నారు. దీనిలో భాగంగా తాజాగా హీరోయిన్ సమంత ఈ షోలో పాల్గొనడం జరిగింది. సమంత తన వ్యక్తిగత విషయాలు ఇంకా కెరియర్ గురించి అనేక విషయాలు తెలియజేసింది.

ముఖ్యంగా నాగచైతన్యతో విడాకుల గురించి ఫస్ట్ టైం ఈ షోలో సామ్ చేసిన వ్యాఖ్యలు సంచలనం రేపాయి. ఇప్పటికీ కూడా సోషల్ మీడియాలో వైరల్ అవుతూ ఉన్నాయి. ఆషామాషీగా విడాకులు తీసుకోలేదని, ఇద్దరం గదిలో ఉన్న సమయంలో కొట్టుకునేదాక పరిస్థితి వెళ్ళిందని… ఆ సమయంలో గదిలో ఆయుధాలు లేకుండా కూడా చూసుకోవడం జరిగిందని సమంత ఈ షోలో వ్యాఖ్యానించడం ఇప్పుడు చర్చనీయాంశంగా మారింది. ఈ క్రమంలో మీ భర్త అని కరణ్ జోహార్.. ప్రశ్నిస్తుంటే మధ్యలో సమంత కలుగజేసుకుని మాజీ భర్త అని ఆమె సంబోధించడం మరింత సంచలనం రేపింది.

ఇక ఇదే షోలో మెగా హీరోలపై సమంత చేసిన వ్యాఖ్యలు ఇప్పుడు వైరల్ గా మారాయి. ముఖ్యంగా ఐకాన్ స్టార్ అల్లు అర్జున్ గురించి సమంత మాట్లాడుతూ… బన్నీ ఒక మ్యాజిక్ లాంటోడని చెప్పుకొచ్చింది. చరణ్ ఒక గ్యాంగ్ స్టార్ లాంటోడని తెలిపింది. తమిళ స్టార్ ధనుష్ ప్రస్తావన వస్తే అతను ఒక గ్లోబల్ స్టార్ అంటూ సమంత.. కరణ్ జోహార్ షోలో తాను పనిచేసిన హీరోల గురించి… చాలా వెరైటీగా సమాధానలు ఇచ్చింది. సమంతా అల్లు అర్జున్ తో సన్నాఫ్ సత్యమూర్తి, “పుష్ప” లో ఐటమ్ సాంగ్ చేయడం జరిగింది. ఈ రెండిటిలో “పుష్ప” లో సమంత ఐటెం సాంగ్ ప్రపంచవ్యాప్తంగా వైరల్ కావడం మాత్రమే కాదు ఆమెకు మంచి క్రేజ్ తీసుకొచ్చింది.