Singer Sunitha : సింగర్ సునీత పాటలకు ఏ రేంజ్ లో ఫ్యాన్స్ ఉంటారో ప్రత్యేకంగా చెప్పనవసరం లేదు.. ఇటీవలే ఆమె రెండో పెళ్లి చేసుకున్న సంగతి తెలిసిందే.. ఉమెన్స్ డే సందర్భంగా సునీతకు సోషల్ మీడియా వేదికగా పలువురు అభిమానులు విషెస్ తెలియజేశారు..! వారి విషెస్ కు సునీత అదిరిపోయే కౌంటర్ ఇచ్చింది..!!
నిశ్చితార్థం కు నెల రోజుల ముందే సునీత పెళ్లి పై అనేక రకాల ట్రోలింగ్స్ వచ్చాయి. అయితే చాలావరకు రూమర్స్ పై వెంటనే క్లారిటీ ఇచ్చే సునీత అప్పుడు పెద్దగా స్పందించకపోవడంతో రూమర్స్ ఇంకా ఎక్కువగా వైరల్ అయ్యాయి. ఇక ఉమెన్స్ డే సందర్భంగా ఆమె తనపై వచ్చిన ట్రోలింగ్స్ గురించి కౌంటర్ ఇచ్చారు. సోషల్ మీడియాలో ఈ విధంగా ఒక పోస్ట్ చేశారు. “జడ్జి చేస్తారు.. ట్రోల్ చేస్తారు. కిందకు లాగడానికి ప్రయత్నం చేస్తారు. ఒక విషయాన్ని నిరూపించాలని కంకణం కట్టుకుంటారు. నాలో అభద్రతా భావాన్ని కలుగజేస్తారు. నన్ను ప్రోత్సహించారు. నా మాటలు కూడా పట్టించుకోరు. నేను ఓడిపోయినప్పుడు నన్ను చూసి నవ్వుతారు. నాకు ఊపిరాడనివ్వకుండా చేస్తారు” అని అన్నారు..
విమర్శలు చేసి మళ్లీ ఇప్పుడు నాకు మహిళా దినోత్సవం అంటూ విషెస్ ఎలా చెబుతారు. నేను అన్ని భరించాను. నాలోని శక్తిని నేను కూడగట్టుకుని ఎదిగాను. విసిరిన రాళ్లతోనే కోటను నిర్మించుకున్నాను. అన్నింటిని అధిగమించాను. నేను జాగ్రత్తగా ఉంటాను. ఇన్ని చేసినా కూడా నేను క్షమిస్తాను. ఎందుకంటే నేను ఒక మహిళను.. కరుణామయురాలిని. అందరికీ హ్యాపీ ఉమెన్స్ డే అంటూ సోషల్ మీడియా ద్వారా విమర్శలకు సునీత కౌంటర్ ఇచ్చారు..