Diabetes: మధుమేహం చాపకింద నీరులా వ్యాపిస్తుంది.. రక్తంలో గ్లూకోజ్ లెవెల్స్ హెచ్చుతగ్గుల కారణంగా షుగర్ వస్తుంది.. సరిగా నిద్ర పోకపోతే మధుమేహం వస్తుందా..!? డయాబెటిస్ కి నిద్ర కు సంబంధం ఉందా..!? తాజా అధ్యయనాలు ఏం చెబుతున్నాయి..!?
ప్రపంచ ఆరోగ్య సంస్థ సూచనల ప్రకారం ప్రతి ఒక్కరూ రోజుకు ఎనిమిది గంటలు నిద్రపోవాలి. అలా కాకుండా మనం నిద్రపోయే సమయాన్ని తగ్గిస్తూ ఉంటే.. మధుమేహం వచ్చే ముప్పు పెరుగుతుందని ఎన్నో అధ్యయనాలు తేల్చి చెప్పాయి. తాజా అధ్యయనం లో తొలిసారిగా నాణ్యత లేని నిద్ర కూడా మధుమేహం ముప్పును పెంచే అవకాశం ఉందని తెలియజేస్తోంది. గాఢనిద్ర వయసు మీదపడుతున్న కొద్దీ తగ్గిపోతుంది. ఫలితంగా వృద్ధుల్లో మధుమేహం ఎక్కువగా కనిపిస్తుందని పరిశోధకులు చెబుతున్నారు.
నిద్రలేమి వలన ఆకలి ఎక్కువగా వేస్తుంది. ఫలితంగా బరువు పెరుగుతారు. దీని వలన ఉదయం నిద్రకు ఉపక్రమిస్తారు. దాంతో రాత్రి సరిగా నిద్ర పట్టదు. ఉదయం నిద్ర పోతే మెదడు చురుగ్గా పని చేస్తుంది. కానీ రాత్రి నిద్రే ఆరోగ్యానికి మంచిది. పిల్లలు, యుక్త వయసు వారిలో గాడ నిద్ర గాఢనిద్ర అయితే రక్తంలో గ్లూకోజ్ ను నియంత్రించే శక్తి తగ్గి 2 డయాబెటిస్ తలెత్తే అవకాశం ఉందని.. కేవలం మూడు రోజుల పాటు గాఢ నిద్రకు దూరమైతే ఇన్సులిన్ నిరోధకత తగ్గుతున్నట్లు ఈ అధ్యయనంలో గుర్తించారు చికాగో యూనివర్సిటీ పరిశోధకులు. ఇన్సులిన్ సెన్సిటివిటీ వల్ల శరీరంలో చక్కెరను నియంత్రించడానికి ఎక్కువ మోతాదులో ఇన్సులిన్ అవసరం అవుతుంది. ఇది మధుమేహానికి ముందస్తు సంకేతం. రాత్రిపూట హాయిగా 8 గంటలు నిద్రపోతే ఎలాంటి ఆరోగ్య సమస్యలు రావు. అంతకంటే తక్కువ సమయం నిద్రపోతే మాత్రం మధుమేహం వచ్చే అవకాశాలు ఎక్కువగా ఉన్నాయని పరిశోధకులు హెచ్చరిస్తున్నారు.