Sleeping: నేటి ఉరుకుల పరుగుల జీవితంలో నిద్ర పై శ్రద్ధ తగ్గుతుంది.. రాత్రి పూట తక్కువ సమయం నిద్ర పోవడంతో దాని ప్రభావం ఉద్యోగం పై, చదువు పై ప్రభావం చూపుతుంది.. అయితే నిద్ర పోవడానికి కూడా ఓ సమయం ఉంటుంది.. ఏ వయసుల వారు ఎంత సమయం నిద్రపోవలో ఇప్పుడు తెలుసుకుందాం..!!
చంటి పిల్లలకు మూడు నెలలు వచ్చే వరకు రోజుకు 14 నుంచి 17 గంటలు నిద్రపోవాలి. 4 నుంచి 11 నెలల పిల్లలు 14 నుంచి 17 గంటలు నిద్రపోవాలి. ఇక సంవత్సరం నుండి 2 ఏళ్ల లోపు పిల్లలు 11 నుంచి 14 గంటలు నిద్రపోవాలి. అలాగే 3 ఏళ్ల నుంచి 5 సంవత్సారాలు లోపు వారు 9 నుంచి 11 గంటలు నిద్ర పోయేలా తల్లి దండ్రులు శ్రద్ధ తీసుకోవాలి. 6 నుండి 13 సంవత్సరాల లోపు వారు 9 నుండి 11 గంటలు నిద్ర పోవాలి. 14 నుంచి 17 సంవత్సరాల లోపు వారు 8 నుండి 10 గంటలు నిద్ర పోయేలాగా దినచర్యను ప్లాన్ చేసుకోండి. పిల్లలు సాధ్యమైనంతవరకు ఎక్కువ సేపు నిద్రకుపక్రమించే లాగా తల్లిదండ్రులు శ్రద్ధ తీసుకోవాలి లేకపోతే అనేక ఆరోగ్య సమస్యలు చుట్టుముడతాయి. ముఖ్యంగా పిల్లల చదువుకు ఆటంకం రావచ్చు. జ్ఞాపకశక్తి తగ్గడం, మతిమరుపు రావటం, స్ట్రెస్, ఒత్తిడికి, డిప్రెషన్ కు లోనవుతారు.
ఇక యుక్త వయస్సు వారు 18 నుంచి 25 సంవత్సరాల వారు రోజు కి 7 నుంచి 9 గంటలు నిద్రపోయేలా చూసుకోవాలి. పెద్ద వారి విషయానికి వస్తే 26 నుండి 64 ఏళ్లు ఉన్నవారు కూడా రోజు కి 7 నుంచి 9 గంటలు నిద్రపోయేలా చూసుకోవాలి. ఈ వయసులో సంపాదించడం ఎంత ముఖ్యమో ఆరోగ్యాన్ని కాపాడుకోవడం కూడా అంతకంటే అవసరమని గుర్తుంచుకోవాలి. అందువలన సమయానికి నిద్రపోయేలా ప్రణాళికలను ముందుగానే చేసుకోవాలి. ఇక వృద్ధుల విషయానికి వస్తే 65 ఏళ్లు పైబడిన వారు 7 లేదా 8 గంటలు నిద్ర పోవాలి. ఈ విధంగా మీరు ప్రతి రోజూ నిద్ర పోతే అనేక ఆరోగ్య సమస్యల నుంచి మీ దరిచేరనివ్వకుండా చేసుకోవచ్చు.