సాధారణంగా తమ పిల్లల పుట్టినరోజుకు తల్లిదండ్రులు బొమ్మలు, పుస్తకాలు.. గిఫ్ట్స్ గా ఇస్తూంటారు. కానీ.. చిన్నపిల్లాడైన కొడుక్కి ఓ తండ్రి ఏకంగా విస్కీ బాటిల్స్ ఇచ్చాడంటే నమ్మగలమా..? కానీ జరిగింది. అత్యంత అరుదైన ఈ ఘటన స్కాట్లాండ్ లో జరిగింది. ఓ తండ్రి 28 ఏళ్లుగా తన కొడుకు ప్రతి పుట్టినరోజుకీ ఓ విస్కీ బాటిల్ కొనిచ్చాడు. అది కూడా 18 సంవత్సరాల ఓల్డ్ విస్కీ బాటిల్. అయితే.. మొదటి పుట్టినరోజు నుంచి 28వ పుట్టినరోజు వరకూ 28 బాటిల్స్ అందుకున్న ఆ కొడుకు ఆ బాటిల్స్ తో ఏం చేశాడో తెలిస్తే ఆశ్చర్యపోవడం మన వంతు అవుతుంది.
28 ఏళ్లుగా తన తండ్రి గిఫ్ట్స్ గా ఇచ్చిన 28 బాటిల్స్ అమ్మి వచ్చిన డబ్బుతో ఓ ఇల్లు కట్టుకోవాలని ప్రయత్నాలు చేస్తున్నాడు. స్కాట్లాండ్ కు చెందిన పేట్ కు 1992లో కొడుకు మాథ్యూవ్ రాబ్సన్ పుట్టాడు. మొదటి పుట్టినరోజుకి గిఫ్ట్ గా 18 ఏళ్ల క్రితం నాటి (1974) విస్కీ బాటిల్ ఇచ్చాడు. బిడ్డ తలమీద ఓ సంప్రదాయంగా ఆ బాటిల్ పెట్టాడు. 18 ఏళ్లపాటు ఇవ్వాలనుకుంటే ఏకంగా 28 ఏళ్లపాటు ఇస్తూనే ఉన్నాడు. ‘బర్త్ డే గిఫ్ట్ గా ఇచ్చిన బాటిల్స్ కు 5 లక్షలు ఖర్చయ్యాయి. అదొక్కటే నా కొడుక్కి ఇచ్చాను. ఇప్పుడదే లక్ గా మారింది’ అని చెప్పుకొచ్చాడు పేట్.
అయితే.. ఇన్నేళ్లపాటు ఆ బాటిల్స్ ఉంచడంతో వాటి విలువ 40 లక్షలకు పెరిగింది. ఈ మొత్తంతోనే మాథ్యూ ఇల్లు కొట్టుకోవాలని అనుకుంటున్నాడు. ‘ఇదొక అరుదైన గిఫ్ట్. అయితే.. ఈ విస్కీ బాటిల్స్ తాగకుండా అలానే ఉంచుకోవాలని ఫిక్స్ అయ్యాను.. అలానే ఉంచుకున్నాను’ అని టాంటన్ లో ఉంటున్న మాథ్యూ చెప్పాడు. ఈ విస్కీ బాటిల్స్ అమ్మకాన్ని ఓ కెంపెనీకి అప్పగించారు. విస్కీ అమ్మకందారుడు మార్క్ లిట్టర్ ఈ బాటిల్స్ అమ్మనున్నాడు. ‘మెకల్లాన్’ విస్కీ ఓల్డ్ బాటిల్స్ దొరకడం విశేషం. ఇప్పటికే ఈ బాటిల్స్ కు న్యూయార్క్, ఆసియా నుంచి ఆర్డర్లు వస్తున్నట్టు చెప్పుకొచ్చాడు.
