Special Dog Park: కుక్కలు, పిల్లులు, ఆవులూ… పెంపుడు జంతువులే. జాగ్రత్తగా సాకితే అవి మానవాళికి కృతజ్ఞతగా ఉంటాయి. కానీ అన్నిటి కంటే కుక్కలకు ఉండే కృతజ్ఞత, విశ్వాసం వేరే లెవల్ లో ఉంటుంది. అందుకే కుక్కలా పెంపకం చాలా రొటీన్ వ్యాపకం.. ఇలా కుక్కలను పెంచడమే కాకుండా ఇప్పుడు ప్రభుత్వాలే కుక్కల కోసం పార్కులు, జిమ్ములు, స్విమ్మింగ్ ఫ్యూళ్ళు ఏర్పాటు చేయడం ఎక్కడైనా చూశామా..! కానీ మన దేశంలోనే అది జరిగింది. ఉత్తర ప్రదేశ్ లోని నోయిడాలో ఇది సాకారమవుతుంది. దేశంలోనే అతి పెద్ద డాగ్ పార్క్ గా ఇది ఉండబోతుంది. తాజా నోయిడా అథారిటీ దీనిపై స్పష్టమైన ప్రకటన చేసింది. “దేశంలోనే అతి పెద్ద కుక్కలా పార్కు నిర్మించబోతున్నాం. దీనిలో జిమ్, ఉయ్యాలలు, నడక మార్గాలు, కుక్కలా ఆట వస్తువులు కూడా ఉంటాయి. రూ. మూడున్నర కోట్లు వ్యయం చేయనున్నాం” అంటూ నోయిడా అథారిటీ పేర్కొంది.
Special Dog Park: పార్కు విశేషాలు ఇవే..!!
ఇది దేశంలోనే అతి పెద్ద కుక్కలా పార్కు. మొత్తం రెండు ఎకరాల్లో విస్తరించి, దీన్ని నిర్మించనున్నారు. నిర్మాణం, పరికరాల కొనుగోళ్లు మొత్తానికి రూ. మూడున్నర కోట్లు వ్యయంతో అన్ని రకాల హంగులు ఉండనున్నాయి. నోయిడా నగరంలోని సెక్టార్-137లో నిర్మించనున్నారు. ఈ పార్కులో కుక్కల ఆహారం, పానీయాలు, ప్రత్యేక సిబ్బంది కూడా అందుబాటులో ఉంటారు. అలాగే వైద్య నిపుణులు, కుక్కలకి జిమ్ చేయించే ట్రైనర్లు, యోగ, మంచి అలవాట్లు నేర్పే శిక్షకులు కూడా అందుబాటులో ఉంటారు. అయితే ఈ సేవలు ఈజి కాదు. కుక్కలా యజమానులు వీటిని వినియోగించుకోవాలి అంటే ముందుగా రిజిస్టర్ చేసుకుని, నిర్ణీత ఫీజు చెల్లించాలి. దేశంలోని మొదటి డాగ్ పార్క్ మన హైదరాబాద్ లోని గచ్చిబౌలిలో ఉంది. ఎకరం విస్తీర్ణంలో, 2018 లోనే దీన్ని నిర్మించారు. కానీ పెద్దగా ప్రమోట్ చేయట్లేదు.. అప్పుడప్పుడు పోటీలు, స్పెషల్ కార్యక్రమాలు నిర్వహిస్తుంటారు..