Karate Kalyani Srikanth Reddy: ప్రముఖ యూట్యూబర్ శ్రీకాంత్ రెడ్డిని సినీనటి కరాటే కళ్యాణి నిన్న రాత్రి హైదరాబాద్ యూసఫ్ గూడా లో చేయి చేసుకోవడం తెలిసిందే. శ్రీకాంత్ రెడ్డి ఇంటి వద్దకు వెళ్లి కరాటే కళ్యాణితో పాటు ఇంకా ముగ్గురు శ్రీకాంత్ రెడ్డి అనే యూట్యూబర్ నీ చిత్త కొట్టేశారు. ఇదే సమయంలో శ్రీకాంత్ రెడ్డి కూడా కరాటే కళ్యాణి పై ఆమె వెనకాల ఉన్న వ్యక్తుల పై చేయి చేసుకోవడం జరిగింది. దీంతో గొడవకు సంబంధించిన వీడియో ప్రస్తుతం సోషల్ మీడియాలో వైరల్ అవుతోంది. తెలుగు మీడియా ఛానల్స్ లో కూడా ఈ వివాదం ఇప్పుడు హాట్ టాపిక్ గా మారింది. గొడవకు సంబంధించి శ్రీకాంత్ రెడ్డి అదే రీతిలో కరాటే కళ్యాణి ఎస్సార్ నగర్ పోలీస్ స్టేషన్ లో ఒకరిపై మరొకరు ఫిర్యాదులు చేసుకోవడం జరిగింది.
- Read the latest news from NEWSORBIT
- Follow us on facebook , Twitter , instagram and Googlenews
ఇదిలా ఉంటే తాజాగా శ్రీకాంత్ రెడ్డి సోషల్ మీడియాలో తనకి కరాటే కళ్యాణి నుండి ప్రాణహాని ఉందని వీడియో పోస్ట్ చేశారు. తన ఫ్రాంక్ వీడియోలు కేవలం ఎంటర్ టైన్ మెంట్ కోసమే చేస్తున్నట్లు క్లారిటీ ఇచ్చారు. టాలెంట్ ఉన్న ఆడవాళ్లకు డబ్బులు ఇచ్చి ఫన్ వీడియోలు క్రియేట్ చేస్తున్నామని తెలిపారు. చేసే వీడియోలలో నిజంగా అసభ్యకరమైన కంటాంటెంట్ ఏదైనా ఉంటే.. ఇంటికి వచ్చి దాడి చేయకుండా పోలీస్ స్టేషన్ కి వెళ్లి ఫిర్యాదు చేయాలని శ్రీకాంత్ రెడ్డి తెలిపారు. కావాలని ఇంటికి వచ్చి కరాటే కళ్యాణి లక్ష రూపాయలు డిమాండ్ చేయడం జరిగిందని.. ఆమె వెనకాల ఉన్న వాళ్ళు 70,000 ఇచ్చేయ్.. సైలెంట్ అయిపో.. అని అన్నారు అని శ్రీకాంత్ రెడ్డి ఆరోపించారు.
అంతమాత్రమే కాకుండా ఆమెకు బీజేపీ ఇంకా పలు రాజకీయ పార్టీలు తెలుసని.. తప్పుడు కేసులు పెట్టిస్తా బెదిరిస్తోంది అని చెప్పుకొచ్చారు. నా దగ్గర గుండాలు ఉన్నారు, ఇలా రకరకాలుగా భయబ్రాంతులకు గురి చేస్తోంది. కరాటే కళ్యాణి నుండి నాకు ప్రాణ హాని ఉంది అని శ్రీకాంత్ రెడ్డి వీడియో సోషల్ మీడియాలో రిలీజ్ చేయడం జరిగింది. సామాజిక సేవకురాలు అని నాపై చేయి చేసుకోవటం… చట్టం చేతుల్లోకి తీసుకోవడం నాకు నచ్చలేదు అంటూ వీడియోలో చెప్పుకొచ్చారు.