Food Habits: ఉదయం వండిన ఆహారాన్ని సాయంత్రం వేడి చేసుకొని తినడం కొంతమందికి అలవాటు.. మరికొంతమంది ఉదయం చేసిన కోరని ఫ్రిజ్లో పెట్టి సాయంత్రం మరలా వేడి చేసి తింటారు.. మరికొంతమంది రెండు రోజులకు సరిపడా కూరలు వండుకొని ఫ్రిజ్ లో ఉంచి తినేటప్పుడు తీసి వాటిని వేడి చేసి తింటుంటారు.. ఇలా తినడం ఆరోగ్యానికి మంచిదా కాదా అనే విషయాన్ని ఇక్కడ తెలుసుకుందాం..!!
ఇలా తినటం ఆరోగ్యానికి ఏ మాత్రం మంచిది కాదు.. ప్రతి రోజూ ఇలాగే తింటే ఆరోగ్యానికి ముప్పే అంటున్నారు ఆరోగ్య నిపుణులు.. ఆకుకూరలతో, ఆకుపచ్చని కూరగాయలతో చేసుకున్న వంటలను ఏవైనా సరే మిగిలిన తర్వాత వాటిని ఫ్రిజ్లో పెట్టి మరలా వేడి చేసి తినడం ఆరోగ్యానికి ఏ మాత్రం మంచిది కాదు. అది ఎలా అంటే, ఆకుకూరల్లో ఐరన్ శాతం ఎక్కువగా ఉంటుంది. ఐరన్ ను వేడి చేయడం వల్ల అది కాస్త ఆక్సైడ్ గా మారుతుంది. ఐరన్ ఆక్సీకరణ చెందటం వలన ఆరోగ్య సమస్యలు ఉత్పన్నమవుతాయని ఆరోగ్య నిపుణులు అంటున్నారు..
మరికొంతమంది కోడిగుడ్లను ఉడకబెట్టి ఎప్పుడో తింటూ ఉంటారు.. ఉదయం ఉడకబెడితే అవి సాయంత్రం తినటం లేదంటే ఒకేసారి ఎక్కువ గుడ్లను ఉడకబెట్టి వాటిని ఫ్రిజ్లో ఉంచి తినటం ఇలా చేస్తూ ఉంటారు ఇలా చేయడం ద్వారా జీర్ణ పరమైన సమస్యలు వస్తాయి. అలాగే చికెన్ ను కూడా ఎక్కువసార్లు వేడి చేయడం ఫ్రై చేసి తినడం వల్ల ఆరోగ్యానికి హాని కలగడంతో పాటు పలు రకాల క్యాన్సర్ క్యాన్సర్ల బారిన పడే అవకాశం ఎక్కువగా ఉంటుందని హెల్త్ కేర్ నిపుణులు చెబుతున్నారు.
మరికొంతమంది మిగిలిపోయిన అన్నం విషయంలోనూ ఇలాగే చేస్తూ ఉంటారు ఉదయం మిగిలిన అన్ని సాయంత్రం వేడి చేసి తింటూ ఉంటారు. ఇది కూడా ఏమాత్రం మంచి పద్ధతి కాదు. అన్నం వండిన రెండు గంటల తరువాత బ్యాక్టీరియా ఏర్పడుతుంది ఎక్కువ సమయం నిల్వ ఉన్న అన్నం తినడం వల్ల ఫుడ్ పాయిజన్ గా మారుతుంది. అసలు నిల్వ ఉండే పదార్థాలను తినకపోవడమే మంచిది. ఇలా తిని ఆరోగ్య సమస్యలు కొని తెచ్చుకోవడం కంటే తక్కువ తక్కువ వండుకుని తినడమే మంచిదని న్యూట్రీషన్లు చెబుతున్నారు.
