పోయిన వారం బిగ్ బాస్ హౌస్ నుండి సుజాత ఎలిమినేట్ అయిన సంగతి తెలిసిందే. చీటికీ మాటికీ నవ్వటం, కారణం లేకుండా తింగర దానిలాగా ప్రవర్తించడం తో పాటు.. ఇండస్ట్రీలో స్టార్ హీరో షోకి హోస్ట్ గా వ్యవహరిస్తున్న కింగ్ నాగార్జున ని పట్టుకొని బిట్టు అని పిలవటంతో ఆమె ఎలిమినేట్ అయినట్లు సోషల్ మీడియాలో డిస్కషన్లు జరుగుతున్నాయి. ఇదిలా ఉండగా హౌస్ నుండి బయటకు వచ్చిన సుజాత… ఇంటిలో ఉన్న అనుభవాల గురించి ఇంటి సభ్యుల గురించి బయట ఇంటర్వ్యూలు ఇస్తూ ఉంది.
ఈ నేపథ్యంలో నాగార్జున ని బిట్టు అని పిలవడం పట్ల కూడా సుజాత క్లారిటీ ఇచ్చింది. మొట్టమొదటిసారి షోకి సెలెక్ట్ అయిన సమయంలో.. షో నిర్వాహకులు నాగార్జున అంటే నీకు ఇష్టమేనా అని ప్రశ్నించగా?, ఇష్టమే అని చెప్పాను. అందులో నాగార్జున నటించిన “మనం” సినిమా అంటే చాలా ఇష్టం అని కూడా చెప్పాను… దీంతో నాగార్జున అని “బిట్టు” అని షో నిర్వాహకులు పిలవమని తనకు చెప్పినట్లు సుజాత చెప్పుకొచ్చింది.
ఒకవేళ నిజంగా షో నిర్వాహకులకు మరియు నాగార్జునకి అలా పిలవటం ఇష్టం లేకపోతే.. వెంటనే కన్ ఫిక్షన్ రూమ్ కి పిలిచి అలా పిలవద్దు అని చెప్పే వాళ్ళు అని చెప్పుకొచ్చింది. పైగా నేను “బిట్టు” అని పిలవటం వలన నాగార్జున గారు ఎంతగానో సంతోష పడ్డారని క్లారిటీ ఇచ్చింది. ఈ విషయంలో నాపై ఆయన అభిమానులు ఇంత సీరియస్ అవుతారని బయటకు వచ్చాక తెలిసింది, కానీ నేను కావాలని పిలవలేదు, షో నిర్వాహకులే అలా పిలవమంటే పిలిచాను, ఎవరినైనా బాధపెట్టి ఉంటే నన్ను క్షమించండి అంటూ నాగార్జున ఫ్యాన్స్ కి సుజాత క్లారిటీ ఇచ్చింది.
