Eucalyptus: మార్కెట్లో మనం చాలా రకాల నూనెలను చూస్తూ ఉన్నాం.. వాటిలో కొన్ని నూనెలు మాత్రమే మన ఆరోగ్యానికి మేలు చేస్తాయి.. అటువంటి వాటిలో యూకలిప్టస్ ఆయిల్ ఒకటి.. ఈ నూనె వలన బోలెడు ఆరోగ్య ప్రయోజనాలు కలుగుతాయని చాలా మందికి తెలియదు.. ఈ నూనె వలన ఎటువంటి ప్రయోజనాలు చేకూరతాయో ఇప్పుడు చూద్దాం..!!
Eucalyptus: ఈ నూనె వలన కలిగే ఆరోగ్య ప్రయోజనాలు ఇవే..!!
దోమలు కుట్టకుండా మనల్ని మనం రక్షించుకునేందుకు ఈ ఆయిల్ అద్భుతంగా సహాయపడుతుంది.
మోకాళ్ళ నొప్పులు, జాయింట్ పెయిన్స్ ఉన్నవారు ఈ నూనె రాసుకుంటే త్వరగా తగ్గుతాయి. ముఖ్యంగా రీ జాయింట్ పెయిన్స్ ను తగ్గించడం లో ఇది కీలక పాత్ర పోషిస్తుంది. బ్యాక్టీరియా, వైరస్, సిలింద్రాలు ను నశింప చేస్తుంది. వీటి వలన శ్వాస కోశ సంబంధ సమస్యలు తలెత్తవు. అంటువ్యాధుల తో పోరాడుతుంది. శస్త్ర చికిత్సలు కు ముందు కూడా ఈ ఆయిల్ ప్రయోజన కారిగా పనిచేస్తుంది. సర్జరీ కి వెళ్లేముందు ఈ ఆయిల్ ను వాసన చూడటం వలన ప్రశాంతంగా ఉంటారని పలు అధ్యయనాలలో తేలింది. అలగే సర్జరీ తర్వాత కలిగే నొప్పులను తగ్గిస్తుంది. ఇది మెదడును ఉత్తేజ పరుస్తుంది. మానసిక ప్రశాంతత ను కలుగజేస్తుంది.
ఈ నూనె ను రెండు చుక్కలు నుదిటి పై రాసి ఐదు నిమిషాలు మసాజ్ చేసుకుంటే తలనొప్పి ఇట్టే తగ్గిపోతుంది. ఇది సైనస్ ను తొలగిస్తుంది. ఉద్రిక్తమైన ముక్కు కండరాల ను సడలిస్తుంది. ఈ నూనె తల నొప్పి తో పాటు కండరాల లో నొప్పి, వాపులను తగ్గించడం లో సహాయపడుతుంది. ఈ నూనె లో యాంటీ ఆక్సిడెంట్లు ఉన్నాయి. ఇవి రోగ నిరోధక వ్యవస్థ పని తీరును మెరుగు పరుస్తాయి. ఈ ఆయిల్ దగ్గు నుంచి ఉపశమనం కలిగిస్తుంది. జలుబు, రొంప, పడిశం తో బాధపడుతుంటే ఈ నూనె ను వాసన చూస్తే వెంటనే శ్వాస తీసుకునేందుకు సహాయపడుతుంది.
యూకలిప్టస్ ఆయిల్ దంతాల పై ఉన్న పసుపు పచ్చ రంగును పోగొట్టి మెరిసేలా చేస్తుంది. పలు దంతాల పేస్టు లలో కూడా యూకలిప్టస్ ఆయిల్ ను ఉపయోగిస్తున్నారు. ఈ ఆయిల్లో యాంటీ ఫంగల్ గుణాలు ఉన్నాయి. ఇవి నోటి దుర్వాసనను పోగొడుతుంది.
యూకలిప్టస్ ఆయిల్ వలన చాలా ప్రయోజనాలు ఉన్నప్పటికీ దానిని నేరుగా నోట్లో వేసుకోకూడదు. ఇది విషపూరిత మౌతుంది. 2 – 3ML తీసుకుంటే మైకం, మగత వస్తుంది. అంత కంటే ఎక్కువ తీసుకుంటే నాడీ వ్యవస్థ దెబ్బతింటుంది. మితంగా వాడుకుంటే చక్కటి ప్రయోజనాలు కలుగుతాయి.