Star Anise: మసాలా దినుసులు ఈ పేరు చెప్పగానే నోరూరిపోతుంది కదూ.. ఇవి రుచితో పాటు ఆరోగ్యాన్ని అందిస్తాయి.. మసాలా దినుసులలో అనాస పువ్వు కూడా ఒకటి.. ఇది చూడడానికి నక్షత్ర ఆకారంలో ఉండి అందరినీ ఆకర్షిస్తుంది.. అనాస పువ్వు వలన కలిగే ఆరోగ్య ప్రయోజనాలు ఏమిటో చూద్దాం..!!
Star Anise: అనాస పువ్వు వల్ల కలిగే ఆరోగ్య ప్రయోజనాలు ఇవే..!!
అనాస పువ్వు లో యాంటీ ఆక్సిడెంట్స్ పుష్కలంగా ఉంటాయి. ఇవి రోగ నిరోధక శక్తిని పెంచుతాయి. అలాగే శరీరం లోని ఫ్రీరాడికల్స్ తో పోరాడుతాయి. ఇంకా ఇందులో యాంటీ ఫంగల్, యాంటీ బ్యాక్టీరియల్, సెప్టిక్ గుణాలు ఉన్నాయి. ఇవి శరీరం లోకి అనేక బ్యాక్టీరియా, వైరస్ రాకుండా చేస్తాయి. ఆస్తమా, బ్రాంకైటిస్ సమస్యలను నివారిస్తుంది. అన్ని రకాల శ్వాసకోశ సమస్య లను రాకుండా అడ్డుకుంటుంది.
ఈ పువ్వు చక్కటి సువాసన కలిగి ఉంటుంది. ఇందులో విటమిన్ ఎ, సి, ఇ ఉన్నాయి. ఈ పువ్వు చక్కటి పెయిన్ కిల్లర్ లా పనిచేస్తుంది. ఆయుర్వేదం ప్రకారం ఈ పువ్వు లో సెడేటివ్ గుణాలు ఉంటాయి. దీనిని తీసుకోవడం వలన శరీరం లోని నాడులు ప్రశాంతంగా ఉంటాయి. చక్కటి నిద్ర పడుతుంది. ప్రతి రోజు రాత్రి నిద్రపోయే ముందు ఒక గ్లాస్ నీటిలో అనాస పువ్వు వేసి ఆ నీటిని మరిగించాలి . ఈ కషాయం తాగితే హాయిగా నిద్ర పడుతుంది. నిద్రలేమి సమస్య నుంచి బయట పడతారు.
గ్యాస్, అసిడిటీ, అజీర్తి సమస్య లతో బాధపడుతున్నవారు ఈ పువ్వు ను తింటే వెంటనే తగ్గుతుంది. తిన్న ఆహారం అరగక ఇబ్బంది పడుతున్న వారు ఈ పువ్వు ను నమిలితే ఉపయోగం ఉంటుంది. అనాస పువ్వులను పొడిగా చేసి ప్రతిరోజు తీసుకుంటే స్త్రీ పురుషులలో హార్మోన్ సమస్యలు తగ్గుతాయి. సామర్థ్యం పెరుగుతుంది. సంతానోత్పత్తి సమస్యలకు చెక్ పెట్టడానికి ఈ పువ్వు చక్కగా పనిచేస్తుంది.
అనాస పువ్వు ను పొడిగా చేసుకుని ఈ పొడిలో కొద్దిగా నీటిని కలిపి ఇన్ఫెక్షన్ ఉన్న చోట రాస్తే త్వరగా తగ్గి పోతుంది. ముఖం పై ఉన్న ముడతలు, మచ్చలు కూడా పోగొట్టడానికి అద్భుతంగా పనిచేస్తుంది. మార్కెట్లో లో అనాస పువ్వు ఎసెన్షియల్ ఆయిల్ దొరుకుతుంది. దీన్ని రాసుకుంటే మొటిమలు, వాటి తాలూకు మచ్చలు పోయి ముఖం కాంతివంతంగా తయారవుతుంది. ఈ నూనె ను జుట్టు కుదుళ్లకు పట్టిస్తే అంతే జుట్టు ఊడటం ఆగి ఒత్తుగా బలంగా పెరుగుతుంది ఈ నూనె ను నొప్పులు ఉన్నచోట రాస్తే ఫలితం కనిపిస్తుంది. వెన్ను నొప్పి, కీళ్ల నొప్పులు, ఆర్థరైటిస్, వాపులు ఉన్నవారు ప్రతిరోజు ఈ నూనె రాసుకుని కాసేపు మర్దన చేసుకుంటే నొప్పులు నుంచి ఉపశమనం కలుగుతుంది.