Osteoarthritis: ఆస్టియో ఆర్థరైటిస్.. అనేది కీళ్ళను ప్రభావితం చేస్తుంది.. ఈ సమస్య రావడానికి ప్రధాన కారణం విటమిన్ డి లోపం.. కీళ్లలో వచ్చే నొప్పిని అస్సలు నిర్లక్ష్యం చేయకూడదు.. ముఖ్యంగా మహిళలలో కీళ్ల నొప్పులు అధికంగా ఉంటున్నాయి.. ఆస్టియో ఆర్థరైటిస్ అంటే.. లక్షణాలు.. జాగ్రతలు ఏం తీసుకోవాలో చూద్దాం..!!
ఎముక జాయింట్ లో వచ్చే వాపు నొప్పిని ఆర్థరైటిస్ అంటారు. ఎముకలు బాగా అరిగి పోయినప్పుడు వచ్చే వ్యాధి ఆస్టియో ఆర్థరైటిస్.. ఈ సమస్య ఎక్కువగా మోకాలి లో వస్తుంది. ముఖ్యంగా ఈ సమస్య ఆడవారిలో ఎక్కువగా వేధిస్తోంది. అధిక బరువు, మెనోపాజ్, కాల్షియం లోపం కారణాల వలన మహిళలు ఎక్కువగా వస్తుంది. ఎక్కువగా మెట్లు ఎక్కలేక పోవడం, ఎక్కువ దూరం నడవలేకపోవడం, విపరీతమైన కాళ్ల నొప్పులు వస్తాయి. ఎముకలలో గుజ్జు అరిగిపోవటం వలన ఈ సమస్యలు వస్తాయి. ఎక్స్ రే ద్వారా ఈ సమస్యను గుర్తించవచ్చు.
ఒమేగా 3 ఫ్యాటీ యాసిడ్స్ ఎక్కువగా ఉన్న ఆహారం తీసుకోవాలి. రొయ్యలు, చేపలు, పీతలు వంటి సి ఫుడ్స్ ను ఎక్కువగా మీ డైట్ లో భాగం చేసుకోవాలి. వీటిని వారానికి ఖచ్చితంగా రెండు సార్లు తీసుకోవడం వల్ల ఆస్టియో ఆర్థరైటిస్ ను తగ్గించుకోవచ్చు. సీ ఫుడ్స్ ఇన్ఫ్లమేషన్ ను నివారించడంలో కీలక పాత్ర పోషిస్తాయి. డయాబెటిస్ ఉన్నవారిలో కీళ్లు, ఎముకల పై బాగా ప్రభావితం చేస్తాయి. అందువలన షుగర్ లెవెల్స్ ను నియంత్రణలో ఉంచుకోవాలి. పట్టలేనంత కీళ్ల నొప్పులు ఉంటే మాత్రం అశ్రద్ధ చేయకుండా వెంటనే వైద్యుని సంప్రదించి తగిన జాగ్రత్తలు తీసుకోవాలి.