Vitamin D: మానవ శరీరానికి అన్ని రకాల విటమిన్లు, పోషకాలు అవసరం.. ఏదైనా విటమిన్ మన శరీరానికి సక్రమంగా అందకపోతే అనేక ఆరోగ్య సమస్యలు తలెత్తుతాయి.. విటమిన్ డి మన శరీరానికి చాలా అవసరం.. విటమిన్ డి లోపిస్తే ఆరోగ్య సమస్యలతో పాటు మానసిక ఆరోగ్యం కూడా దెబ్బతింటుంది.!! సూర్యకాంతి వలన మనకి విటమిన్ డి లభిస్తుంది అని అందరికీ తెలిసిందే.. అయితే ఎంత సేపు ఎండలో నుంచుంటే ఈ విటమిన్ లభిస్తుందో ఇప్పుడు తెలుసుకుందాం..!! అలాగే ఈ విటమిన్ లోపిస్తే ఎటువంటి లక్షణాలు కనిపిస్తాయో చూద్దాం..!?
Vitamin D: విటమిన్ డి లోపం ని ఇలా గుర్తించండి..!!
మన కంటే మన నాలిక ముందుగానే విటమిన్-డి లోపాన్ని పసిగడుతుంది. ఈ విషయాన్ని మనం తెలుసుకోగలిగితే చాలు. ఎవరికైతే బర్నింగ్ మౌత్ సిండ్రోమ్ లక్షణం ఉంటుందో వారికి స్క్రీన్ చేయాలి. అయితే కొద్దిగా నొప్పి కలగడం, మంట, హాట్ సెన్సేషన్ లాంటివి పెదాలు, నాలుక మీద అనిపిస్తుంది. నోరంతా కూడా ఈ సెన్సేషన్ ఉంటుంటి. అలాగే ఈ విటమిన్ లోపం వలన నోరు వాచిపోవడం, రుచి తెలియకపోవడం వంటి లక్షణాలు కనిపిస్తాయి.
ఈ లక్షణాలు అందరికీ ఒకేలా గా ఉండవు సమస్య తీవ్రతను బట్టి మనిషిని బట్టి మారుతూ ఉంటాయి. ఎముకలు నొప్పులు, మజిల్ క్రాంప్స్, మూడ్ మారిపోవడం ఇవి కనుక ఉన్నట్టయితే ఖచ్చితంగా విటమిన్ -డి లోపం ఉన్నట్లు చెప్పవచ్చు. ఇలాంటి చిన్న చిన్న లక్షణాలు కనిపించినప్పుడు అజాగ్రత్త చేయకుండా వెంటనే జాగ్రత్తలు తీసుకోవాలి.
Vitamin D: ఎండలో ఎంత సేపు నిల్చోవాలంటే..!?
70 ఏళ్ల కంటే తక్కువ వయస్సు ఉన్న వాళ్ళు విటమిన్ డి 600 IU ఉండాలి అదే 70 ఏళ్ల కంటే ఎక్కువ వయస్సు ఉన్న వాళ్ళు 800 IU ఉండేటట్లు జాగ్రత్తలు తీసుకోవాలి. మనం కొద్దిసేపు సూర్యకిరణాలు మనకు తగిలేలా గా ఉంటే మన శరీరం కావల్సినంత విటమిన్ డిని గ్రహిస్తుంది సూర్యుడు వేడి ని బట్టి మనం నుంచునే సమయం కేటాయించుకోవాలి. వేసవి కాలంలో అయితే పది నుంచి ఇరవై నిమిషాలు ఎండలో నుంచి ఉంటే సరిపోతుంది. అదే శీతాకాలం 20 నుంచి 30 నిమిషాలు చాలు వర్షా కాలం లో అయితే సూర్యుడు ఉన్నప్పుడు కనీసం ఒక గంట అయినా నిల్చోవాలి.
విటమిన్ డి సూర్యుడి నుంచి కాకుండా కొన్ని పదార్థాలలో కూడా లభిస్తుంది. పాలకూర, సోయాబీన్స్, వైట్ బీన్స్, సాల్మన్ ఫిష్ మీ డైట్ లో భాగం చేసుకోవడం వలన విటమిన్ డి లోపం రాదు. మీకు విటమిన్ డి లోపం అనిపిస్తే అసలు అజాగ్రత్త చేయకండి. వెంటనే డాక్టర్ను సంప్రదించి తగు జాగ్రత్తలు పాటించండి.
