Taraka Ratna: నందమూరి తారకరత్న యువగళం పాదయాత్రలో సొమ్మసిల్లి పడిపోవడం.. ఆయన ఆరోగ్య పరిస్థితి విషమంగా మారడం.. ఒకరోజు తరువాత తారకరత్నను బెంగుళూరు నారాయణ హృదయాలయ హాస్పిటల్ కి తీసుకువెళ్లి 23 రోజులుగా ట్రీట్మెంట్ అందించారు. కానీ ఆయన ఆరోగ్య పరిస్థితిలో మార్పు రాలేదు. రోజు రోజుకి ఆయన పరిస్థితి విషమంగా మారింది. తాజాగా నందమూరి తారకరత్న ఈ లోకాన్ని విడిచి వెళ్లిపోయారు..
నందమూరి తారకరత్న తన కుటుంబాన్ని శోకసంద్రంలో ముంచేసి వెళ్ళిపోయారు. ఆయన ఇక లేరన్న వార్త తెలిసి పలువురు రాజకీయ, సినీ ప్రముఖులు, ఆయన అభిమానులు కన్నీటి సంద్రంలో మునిగిపోయారు.. ఆయన పూర్తిగా కోలుకొని ఆరోగ్యంతో తిరిగి వస్తారని అందరూ అనుకున్నారు కానీ.. ఆయన అభిమానులు చేసిన పూజలు ఫలించలేదు. దేవుడు ఎవరి మొరను ఆలకించలేదు..
