Telangana Government Jobs : ఉద్యోగులకు పీఆర్సీ ప్రకటించిన తెలంగాణ ప్రభుత్వం.. త్వరలోనే నిరుద్యోగులకు తీపికబురు అందించేందుకు తెలంగాణ సర్కార్ సన్నాహాలు చేస్తోంది.. తెలంగాణ 50 వేల ఉద్యోగాలను భర్తీ చేయనున్నట్లు ప్రకటించిన సంగతి అందరికి తెలిసిందే.. తాజాగా ఏప్రిల్ మూడో వారంలో మొదటి ఉద్యోగ నోటిఫికేషన్స్ ను విడుదల చేయాలని ప్రభుత్వం భావిస్తోంది..
ఎమ్మెల్సీ ఎన్నికల కారణంగా ఉద్యోగాల భర్తీ ప్రక్రియ కు బ్రేక్ పడింది. ఆ తర్వాత నాగార్జున సాగర్ ఉప ఎన్నికకు కేంద్ర ఎన్నికల సంఘం షెడ్యూల్ రిలీజ్ చేసింది.. ఈ ఉప ఎన్నిక అయిన తర్వాత ఏప్రిల్ మూడో వారంలో మొదటి ఉద్యోగ నోటిఫికేషన్స్ రిలీజ్ కానున్నట్లు తెలుస్తుంది.. ఇప్పటికే వివిధ ప్రభుత్వ శాఖల్లోని ఖాళీల జాబితాను చీఫ్ సెక్రెటరీ సోమేష్ కుమార్ సీఎం కేసీఆర్ కు అప్పగించారు. రాష్ట్రంలోని వివిధ ప్రభుత్వ విభాగాల్లో 55 వేల ఖాళీలు ఉన్నట్లు సమాచారం.. ఇందులో పోలీస్ శాఖలోనే ఎక్కువ ఉద్యోగాలు ఉన్నట్లు తెలుస్తోంది.. టీచర్ ఉద్యోగ ఖాళీలు కూడా అధికంగానే ఉండాగా.. నోటిఫికేషన్ కోసం వచ్చే నెల వరకు వేచి చూడాలి..
