Immunity Power: ఇమ్యూనిటీ ఈ రోజుల్లో ఎక్కువ మంది నోటిలో నుంచి వినపడుతున్న పదం.. కరోనా వచ్చిన తర్వాత రోగ నిరోధక శక్తిని పెంపొందించుకోవడం లో ప్రతి ఒక్కరూ బిజీగా ఉన్నారు.. ఎప్పటి కప్పుడు వారి ఆరోగ్యంపై శ్రద్ధ తీసుకుంటున్నారు.. రోగ నిరోధక శక్తిని పెంపొందించుకోవడం కోసం ప్రతి ఒక్కరూ తమ డైట్లో కొన్ని ఆహార పదార్థాలు చేర్చుకుంటున్నారు.. ఆహారం తోనే కాదు యోగాసనాలతో కూడా ఇమ్యూనిటీ పవర్ ను పెంచుకోవచ్చు..!! మరి ఆ ఆసనాలు ఎంటో చూడండి..!!
Immunity Power: ఆసనాలు తో ఇమ్యూనిటీ పవర్..!!
యోగా వలన శరీరం లోని శక్తి ఉత్తేజితమవుతుంది. ఆరోగ్యకరమైన కణాలను దెబ్బతీసే ఆక్సిడేటివ్ స్ట్రెస్ ను తగ్గిస్తుంది. ప్రాణాయామం కూడా రోగ నిరోధక శక్తిని పెంచుతుంది. మత్యాసనం.. రోగ నిరోధక శక్తిని పెంచుతుంది. దీన్ని చేప భంగిమ అని కూడా పిలుస్తారు. దీని వలన శరీరం లోని విషపదార్థాలు ను తొలగిస్తుంది. అదేవిధంగా రోగ నిరోధక శక్తిని పెంపొందిస్తుంది. విపరీత కరణి ఆసనం.. తల, మెడ భుజాల మీద శరీర బరువు వేస్తూ కాళ్లు ఆకాశాన్ని చూస్తూ ఉండే ఈ ఆసనం వల్ల నాడీ వ్యవస్థ ఉత్తేజితమవుతుంది. అన్ని శరీర భాగాలకు రక్త ప్రసరణ సక్రమంగా జరుగుతుంది. ఈ ఆసనాన్ని ప్రతిరోజు వేయడం వలన రోగ నిరోధక శక్తి పెరుగుతుంది.
త్రికోణాసనం.. కాళ్లు బార్లా చాపి నిలుచుని నడుం దగ్గర నుంచి కుడి కాలును కుడిచేతి వేళ్ళతో పట్టుకోవాలి. ఈ ఆసనం లో ఎడమచేయి, చూపు కూడా ఆకాశాన్ని చూసే విధంగా ఉంచాలి. కుడి వైపు ఇలా చేసిన తరువాత ఎడమ వైపు కూడా మరల ఇదే విధంగా చేయాలి ఈ ఆసనం వేయడం ద్వారా ఇమ్యూనిటీ పవర్ అద్భుతంగా పెరుగుతుంది. దీని వలన ఊపిరితిత్తుల సామర్థ్యం కూడా పెరుగుతుంది. బకాసన.. ఈ ఆసనం ఊపిరితిత్తులకు మంచిది. ఈ ఆసనం వలన శరీరంలో విష పదార్థాలు సులువుగా బయటకు వెళ్తాయి. అంతేకాకుండా శ్వాస వ్యవస్థ కూడా మెరుగు పరుస్తాయి. రోగ నిరోధక శక్తి పెరగడానికి ఈ ఆసనం సహాయపడుతుంది.
