బుల్లితెర ప్రేక్షకుల్లో అశేషమైన ప్రజాదరణ అందుకున్న బిగ్ బాస్ రియాల్టీ షో యొక్క క్రేజ్ గురించి ప్రత్యేకంగా చెప్పాల్సిన అవసరం లేదు. ప్రపంచంలోనే అత్యంత ప్రజాదరణ కలిగిన ఈ రియాల్టీ షో ఇప్పటికే తెలుగులో మూడు సీజన్లను దిగ్విజయంగా పూర్తి చేసుకొని త్వరలోనే నాలుగవ సీజన్ కు ముస్తాబవుతోంది. అయితే ఈ సీజన్ కు సంబంధించి తాజాగా పలు ఆసక్తికర విషయాలు సోషల్ మీడియాలో ప్రచారం అవుతున్నాయి.
వివరాల్లోకి వస్తే…. బిగ్ బాస్ నాలుగవ సీజన్ కు హోస్ట్ గా మూడవ సీజన్ వ్యాఖ్యాత గా వ్యవహరించిన నాగార్జుననే ఈ సీజన్ కు కూడా కొనసాగిస్తారని టాక్ నడిచింది. అయితే ఇప్పుడు అతని ప్లేస్ లో మరో పేరు మీదకు వచ్చింది. అక్కినేని నాగార్జున కోడలు సమ్ంతను హోస్ట్ గా తీసుకోవాలని నిర్వాహకులు ప్రయత్నిస్తున్నారని సమాచారం.
అయితే దీనిపై అధికారిక ప్రకటన రావాల్సి ఉంది. ఇప్పటి వరకు బిగ్ బాస్ షో కి ఒక లేడీ హోస్ట్ గా ఎవరు వ్యవహరించలేదు. సీజన్ 3 కి అక్కినేని నాగార్జున అందుబాటులో లేకపోవడంతో కొన్ని ఎపిసోడ్స్ కు రమ్యకృష్ణ వ్యాఖ్యాతగా వ్యవహరించింది కానీ పూర్తి స్థాయిలో ఎవరూ చేయలేదు.
ఇక ఈ సారి కంటెస్టెంట్స్ లిస్టు లో హీరో తరుణ్, యాంకర్ వర్షిణి, సింగర్ మంగ్లీ, అఖిల్ సర్తాక్, యాంకర్ మరియు కమెడియన్ బిత్తిరి సత్తి తదితరులు ప్రస్తుతానికి కంటెస్టెంట్స్ గా సెలెక్ట్ అయ్యారని టాక్ నడుస్తోంది.
