Tongue Colour: సాధారణంగా సుస్తి చేసిందని వైద్యుడి దగ్గరికి వెళ్ళగానే.. ఒకసారి మీ నాలుక చాపండి. అటూ ఇటూ చెప్పండి అంటారు.. ఇదేంటి ఇలా చేస్తున్నారు అని మనం అనుకుంటాం.. కానీ మన నాలుక రంగుని బట్టి మన ఆరోగ్యం ఎలా ఉందో వారికి తెలిసిపోతుంది..!! మన నాలుక రంగు ఏ రంగులో ఉంటే ఏ అనారోగ్య సమస్యలు సూచిస్తుందొ ఇప్పుడు తెలుసుకుందాం..!!
Tongue Colour: నాలుక రంగు నల్ల రంగులో ఉంటే..!?
ఆరోగ్యకరమైన వ్యక్తి నాలుక లేత గులాబీ రంగులో ఉంటుంది. తేమగా, మృదువుగా ఉంటుంది. నాలుక పాలిపోయి తెల్లని గా ఉంటే మీ నోటి శుభ్రత తక్కువగా ఉందని, మీ శరీరం డీహైడ్రేషన్ బారినపడిందని సూచిస్తుంది. అందుకే మన పెద్దలు బ్రష్ చేసిన తర్వాత నాలుక శుభ్రంగా గీరమని చెప్తారు. కొన్ని సార్లు ఫ్లూ కారణంగా కూడా నాలుక రంగు తెల్లగా మారుతుంది. రక్తంలో హిమోగ్లోబిన్ స్థాయి తక్కువగా ఉందని అర్థం. ఐరన్ ప్రోటీన్ల లోపానికి కూడా ఇది సంకేతం. మీ నాలుక తెల్ల రంగులో కనిపిస్తే పోషక ఆహారాన్ని ఎక్కువగా తీసుకోవాలి. మీ నాలుక పసుపు రంగులో ఉంటే అది జీర్ణవ్యవస్థలో సమస్యలు, కాలేయ ఉదర సంబంధిత సమస్యలకు గురవుతున్నారని సంకేతం.
ఎక్కువగా యాంటీబయాటిక్స్ తీసుకునే వారి నాలుక నలుపు రంగులోకి మారే అవకాశం ఉంది. కెఫిన్ ఎక్కువగా ఉండే ఆహారాలు తీసుకునేవారి నాలుక రంగు గోధుమ రంగులో ఉంటుంది. ధూమపానం చేసే వారిలో కూడా ఇదే రంగులో కనిపిస్తుంది. మీ నాలుక ఎరుపురంగులో ఉన్నట్లయితే విటమిన్ బి లోపం, ఫోలిక్ యాసిడ్ లోపం ఉందని గమనించాలి. వైరల్ ఇన్ఫెక్షన్ల తో జ్వరం వచ్చినప్పుడు కూడా నాలుక ఎరుపు రంగులోకి మారుతుంది.
ఊదా రంగులో నాలుక ఉంటే మీకు గుండె సంబంధ సమస్యలు ఉండవచ్చు గుండె రక్తాన్ని సరిగ్గా పని చేయలేనప్పుడు రక్తంలో ఆక్సిజన్ తగ్గడం మొదలైనప్పుడు నాలుక రంగు నీలం రంగులోకి మారుతుంది. శరీరంలో కొలెస్ట్రాల్ స్థాయి ఎక్కువగా ఉన్నప్పుడు కూడా నాలుగు ఊదా రంగులోకి మారుతుంది . ఈ రంగులో నాలుక ఉంటే రక్తప్రసరణ లోపాలు ఉన్నాయని సంకేతం. వ్యాయామం చేయడమే దీనికి సరైన మందు.