బిగ్ బాస్ సీజన్ ఫోర్ చివరి దశకు చేరుకుంది. ఆదివారం జరిగిన ఎపిసోడ్ లో అవినాష్ ఎలిమినేట్ కావడంతో, ప్రస్తుతం ఇంటిలో ఆరుగురు సభ్యులు మాత్రమే మిగిలి ఉన్నారు. దీంతో సోమవారం జరగబోయే ఎలిమినేషన్ నామినేషన్ ప్రక్రియ లీక్ వార్తలు సోషల్ మీడియాలో వైరల్ అవుతున్నాయి. లీక్ న్యూస్ బట్టి చూస్తే జరిగిన ఎలిమినేషన్ నామినేషన్ ఎపిసోడ్ షూట్ లో ఒక్క అఖిల్ మినహా మిగతా ఐదుగురు ఎలిమినేషన్ కి నామినేట్ అయినట్లు వార్తలు వస్తున్నాయి.
అంతేకాకుండా హౌస్ లో సోమవారం సరికొత్త టాస్క్ బిగ్ బాస్ పెట్టడం జరిగినట్లు.. లేటెస్ట్ న్యూస్ వినబడుతోంది. అయితే ఈ టాస్క్ లో అఖిల్ మినిస్టర్ గా వ్యవహరించగా, అరియనా కి బెస్ట్ పెర్ఫార్మన్స్ అవార్డు వచ్చినట్లు వార్తలు వస్తున్నాయి. అంతేకాకుండా హౌస్ లో అవినాష్ లేకపోవడంతో అరియనా.. స్టార్టింగ్ లో కొద్దిగా ఫీల్ అయినా… తర్వాత మాత్రం మళ్లీ సెట్ అయ్యి తన గేమ్ కొనసాగించినట్లు టాక్.
ఇదిలా ఉండగా రెండు వారాల ఆట మాత్రమే మిగిలి ఉండటంతో ఒక కంటెస్టెంట్ ఇంటి నుండి వెళ్లే అవకాశం ఉండటంతో.. ఈ వారం మొత్తం హౌస్ లో రసవత్తరమైన గేమ్స్ బిగ్ బాస్ ఇంటి సభ్యులు ఇస్తారని ఆడియన్స్ అంటున్నారు. ఇక ఫైనల్ వీక్ కి వచ్చేసరికి.. ఇంటి నుండి ఎలిమినేట్ అయిన వాళ్ళు మళ్లీ వచ్చే అవకాశం ఉంటుంది అని పేర్కొంటున్నారు. ఏది ఏమైనా ప్రస్తుత వారం మాత్రం బిగ్ బాస్ హౌస్ లో అనేక అద్భుతాలు జరిగే అవకాశం ఉందని ఆడియన్స్ అంచనా వేస్తున్నారు.