Devi Nagavalli Vishwek Sen: హీరో విశ్వక్ సేన్ ప్రధాన పాత్రలో నటించిన “అశోకవనంలో అర్జున కళ్యాణం” సినిమా మరికొద్ది రోజుల్లో విడుదల కానున్న సంగతి తెలిసిందే. ఈ క్రమంలో సినిమా ప్రమోషన్ కార్యక్రమాలలో భాగంగా నడిరోడ్డుపై విశ్వక్ సేన్ తన అభిమాని చేత సూసైడ్ తరహాలో ప్రాంక్ వీడియో చేయించడం.. విమర్శలకు దారితీసింది. మరి సినిమా ప్రమోషన్ కార్యక్రమాలు కోసం అంత దిగజారలా అని నెటిజన్ లు ఫైర్ అవుతున్నారు.
ఇక ఇదే సమయంలో టీవీ9 స్టూడియోలో యాంకర్ దేవి నాగవల్లి పై అసభ్యకరమైన పదజాలంతో విశ్వక్ లైవ్ లో పెట్టడం ఆ వీడియో ఇప్పుడు మరింత వైరల్ గా మారింది. ఆ సమయంలోనే దేవి నాగవల్లి .. స్టూడియో నుండి హీరోని బయటికి పంపించడం తెలిసిందే. పరిస్థితి ఇలా ఉండగా మహిళా జర్నలిస్టుపై.. విశ్వక్ చేసిన వ్యాఖ్యలను టిఆర్ఎస్ ఎమ్మెల్యే దానం నాగేందర్ ఖండించారు. విశ్వక్ సేన్ నీ అసలు హీరోగానే ఎవరు చూడటం లేదని తెలిపారు. “ఎఫ్” అనే పదంతో బూతులు మాట్లాడిన విశ్వక్… అదే భాషతో తన కుటుంబ సభ్యులపై కూడా విమర్శలు చేస్తాడా అని ప్రశ్నించారు.
విశ్వక్ సేన్ ఆ పదం వాడినప్పుడు దేవి నాగవల్లి గారు అక్కడే స్టూడియోలోనే అతని చెప్పుతో కొట్టాలి. అయినా గాని మా మహిళా సంఘాలు ఊరుకోవు. పోలీసులకు సుమోటోగా కేసు పెట్టేస్తాము. సినిమా ప్రమోషన్ కోసం రోడ్డు పై చిల్లర వేషాలు వేయకూడదు. హైదరాబాద్ దర్శకులకు నిర్మాతలకు ఇదే సమయంలో విశ్వక్ సేన్ చేత సినిమాలు చేయాకూడదు అని చెబుతామని తెలిపారు. ఇకపైన ఇటువంటి వ్యాఖ్యలు చేసే వారిని అక్కడికక్కడే చెప్పుతో కొట్టాలి. ఇక ఇదే సమయంలో దేవి నాగవల్లి కాళ్లపై పడి విశ్వక్ క్షమాపణలు చెప్పాలి అని దానం నాగేందర్ డిమాండ్ చేశారు. హైదరాబాద్ నగరానికి ప్రపంచ వ్యాప్తంగా మంచి పేరు ఉంది. ఈ క్రమంలో రోడ్లపై పిచ్చి వేషాలు వేస్తే టిఆర్ఎస్ పార్టీ నాయకులు కార్యకర్తలు ఊరుకోరని ఎమ్మెల్యే దానం హీరో విశ్వక్ సేన్ నీ హెచ్చరించారు.
