Bigg Boss 5 Telugu: ఫస్ట్ టైం తెలుగులో ఓటిటి బిగ్ బాస్ షో త్వరలో ప్రసారం కానున్న సంగతి తెలిసిందే. ఈ నెలలోనే ఓటిటి బిగ్ బాస్ షో కి సంబంధించి ప్రోమో రిలీజ్ కానుంది. డిస్నీ హాట్ స్టార్ లో 24 గంటలు హౌస్ లో జరిగేది చూపించడానికి షో నిర్వాహకులు రెడీ అవుతున్నారు. ఈ నేపథ్యంలో బిగ్ బాస్ హౌస్ రూపురేఖలు మార్చడం మాత్రమే కాకుండా మరిన్ని కెమెరాలు హౌస్ లో అమర్చినట్లు వార్తలు వస్తున్నాయి.
పరిస్థితి ఇలా ఉంటే ఇప్పటికే షో కి సంబంధించి కంటెస్టెంట్ లను సెలెక్ట్ చేసినట్లు… బయట వార్తలు వస్తున్నసంగతి తెలిసిందే. దీనిలో భాగంగా మాజీ బిగ్ బాస్ కంటెస్టెంట్ లు కూడా మరోసారి ప్రేక్షకులను ఎంటర్ టైన్ చేయడానికి రెడీ అయినట్లు తెలుస్తోంది. దీనిలో భాగంగా సీజన్ ఫైవ్ లో ఆడిన ప్లేయర్స్ కొంతమందిని.. మళ్లీ ఓటిటి బిగ్ బాస్ సీజన్ లో షో నిర్వాహకులు తీసుకోవటం జరిగింది అని అంటున్నారు. అందుతున్న సమాచారం ప్రకారం సరియు, హమిదా ఓటిటి బిగ్ బాస్ షోలో అవకాశం అందుకున్నట్లు వార్తలు వస్తున్నాయి.
సరియు సీజన్ ఫైవ్ లో మొట్టమొదటి ఎలిమినేట్ అయిన కంటెస్టెంట్. హమీద కూడా… సీజన్ ఫైవ్ లో రాణించిన పరిస్థితి లేదు. దీంతో వీరిద్దరి కి మరో ఛాన్స్ బీబీ మేకర్స్ ఇచ్చినట్లు సమాచారం. మాజీ బిగ్ బాస్ కంటెస్టెంట్ లు మాత్రమే కాక సినిమా రంగానికి చెందిన వాళ్లు న్యూస్ చానల్స్ కి చెందిన వాళ్ళు మరియు ప్రముఖ యాంకర్ లు ఓటిటి తెలుగు బిగ్ బాస్ షోలో కనిపించనున్నట్లు వార్తలు వైరల్ అవుతున్నాయి. మార్చి నెలలో ఓటిటి బిగ్ బాస్ షో… ప్రసారం కానుందని సమాచారం.