మనం ఎన్నో రకాల ఉద్యోగాలను చూస్తూ ఉంటాం కానీ ఇంతటి వెరైటీ ఉద్యోగాన్ని మీరు ఎప్పుడు చూసి ఉండరు? విని ఉండరు? అంత వెరైటీ ఉద్యోగం ఏమిటి అనుకుంటున్నారా! ఆ ఉద్యోగం ఏమిటంటే కుక్కను ప్రతిరోజు ఉదయం సాయంత్రం వాకింగ్ కి తీసుకు వెళ్లే లే ఉద్యోగం. ఈ ఉద్యోగం చేయడానికి ఆ సంస్థ నెలకు దాదాపు రెండు లక్షల జీతం ప్రకటించడం ఎంతో విశేషం. వినడానికి ఎంతో విచిత్రంగా అనిపించినా, ఇది వాస్తవం.
తాజాగా లండన్ లోని ‘జోసఫ్ హేజ్ ఆరోన్సన్’ అనే ఒక న్యాయవాది సంస్థ ఈ ఉద్యోగానికి రిక్రూట్మెంట్ ప్రకటించింది. ఆ సంస్థలో పని చేసే ఒక సీనియర్ సభ్యుడు దగ్గర ఒక కుక్క ఉంది. దాని బాగోగులు చూసుకోవడానికి, ప్రతిరోజు ఉదయం, సాయంత్రం వాకింగ్ తీసుకెళ్లడానికి డాగ్ వాకర్స్ కావాలంటూ ఈ ఉద్యోగాన్ని ప్రకటించింది. ఈ ఉద్యోగానికి ఏడాదికి దాదాపు 30 వేల పౌండ్లు జీతం ఇవ్వనున్నట్లు ఆ సంస్థ ప్రకటించింది.
ఈ ఉద్యోగానికి సంబంధించిన రిక్రూట్మెంట్ కొన్ని అర్హతలు కండిషన్లను కూడా ఆ సంస్థ పేర్కొంది. ఈ ఉద్యోగం చేయడానికి ఎవరైనా అర్హులే, కానీ వారికి కుక్కలు అంటే ఎంతో అభిమానం కలిగి, అనుభవం కూడా కలిగి ఉండాలని ఈ సంస్థ పేర్కొంది. ఏడాదికి 30 వేల డాలర్లు అంటే మన భారత దేశ కరెన్సీ ప్రకారం దాదాపుగా సంవత్సరానికి 29 లక్షలు.ఈ ఉద్యోగంలో చేరే వ్యక్తులకు ఈ సమస్త మరొక ప్రత్యేకమైన ఆఫర్లు కూడా కల్పించింది. కేవలం జీతం మాత్రమే కాకుండా పింఛన్, జీవిత బీమా, ఆరోగ్య భీమా వంటి సదుపాయాలు కూడా ఉంటాయని పేర్కొంది.
ప్రతి సోమవారం నుంచి శనివారం వరకు ఉదయం 9 గంటల నుంచి 6 గంటల వరకు పని వేళలను ప్రకటించింది. డాగ్ వాకర్స్ ఒక చోట మాత్రమే కూర్చోకుండా మొత్తం లండన్ వీధులన్నీ తిరగాలనే కండిషన్ కూడా విధించింది. ప్రతివారం శని, ఆదివారాల్లో సెలవు దినాలుగా ప్రకటించింది. ఈ ఉద్యోగ ప్రకటనకు మంచి స్పందన వచ్చి, అధిక మొత్తంలో దరఖాస్తులు వెల్లువెత్తాయి.