పవర్ స్టార్ పవన్ కళ్యాణ్ పుట్టిన రోజు సందర్భంగా అతని 26 వ చిత్రం వకీల్ సాబ్ మోషన్ పోస్టర్ ని విడుదల చేశారు. ఈ చిత్రం శరవేగంగా షూటింగ్ పూర్తి చేసుకుంటున్న విషయం తెలిసిందే. వేణు శ్రీరామ్ దర్శకత్వం వహిస్తున్న ఈ చిత్రంలో పవన్ కళ్యాణ్ లాయర్ గా కనిపించబోతున్నాడు.
ఇక ఈ మోషన్ పోస్టర్ తోనే సినిమా స్టోరీ ఏమిటో పవన్ అభిమానులు చెప్పేస్తున్నారు. వాస్తవానికి ఈ సినిమా హిందీ లో మంచి హిట్ సాధించిన ‘పింక్’ కి రీమేక్. అందులో ప్రధాన పాత్రను అమితాబచ్చన్ పోషించారు. ఇప్పుడు అదే పాత్రను పవన్ కళ్యాణ్ పోషిస్తున్నారు. జాతీయ అవార్డు సాధించిన ఈ చిత్రానికి పవన్ కళ్యాణ్ క్యారెక్టర్ లో కొన్ని మార్పులు చేర్పులు చేశారు అని అర్థం అవుతోంది.
ఇండిపెండెంట్ గా ఉండాలని నలుగురు యువతులు తామే ఉద్యోగాలు చేసుకొని సంపాదించుకుంటూ బయటికి వచ్చి ఒక ఇల్లు అద్దెకు తీసుకుని ఉండగా…. అనుకోని పరిస్థితుల్లో వారితో నలుగురు అబ్బాయిలు చనువు తీసుకొని వారికి ఇష్టం లేకపోయినా సెక్స్ కు బలవంతం చేస్తారు. అందులో ఒక అమ్మాయి అవతలి వాడు మరింత రెచ్చిపోతూ ఉండడంతో వాడిని ఆపలేక దగ్గర్లోని మందు బాటిల్ తో తల పగలగొడుతుంది.
ఈ విషయం కాస్తా పెద్దదయి చివరికి కోర్టు వరకు వెళుతుంది. ఈ అమ్మాయిలు ఏమో ఇంటి నుండి బయటకు వచ్చి స్వతంత్రంగా జీవిస్తున్నవారు…. అవతల వాడిని చూస్తే పొలిటికల్ బ్యాక్ గ్రౌండ్ ఉన్నవాడు. ఈ అమ్మాయిలను ఆ కేసు నుండి పవన్ కళ్యాణ్ బయట పడేస్తాడు…. తారుమారు చేసిన సాక్ష్యాధారాలు తప్పు అని ఎలా నిరూపిస్తాడు అన్నదే కథ.
అయితే ఇంత ఇంట్రెస్టింగ్ సబ్జెక్ట్ కి అమితాబ్ బచ్చన్ బ్రహ్మండమైన నటన తోడవడంతో ఆ చిత్రం మరో రేంజ్ కు వెళ్ళింది. అయితే అందులో అమితాబ్ చేవలేని ముసలాడిలా కనిపిస్తుంటే.. పవన్ కళ్యాణ్ మాత్రం ఇక్కడ చేతిలో బేస్ బాల్ బ్యాట్ పట్టుకొని కనిపిస్తున్నాడు. అంటే తెలుగు సినీ హంగులతో.. పూర్తి కమర్షియల్ ఎలిమెంట్స్ తో ఈచిత్రం బాక్సాఫీస్ రికార్డులను బద్దలు కొట్టేందుకే స్టోరీ కొద్దిగా మార్చారు అని అర్థం అవుతోంది.
Anchor Srimukhi: రేటింగ్ కోసం ఏకంగా అంతకి దిగజారిన శ్రీముఖి.. ఘోరమైన ట్రోల్స్..!