RamaRao: మాస్ మహారాజా రవితేజ నూతన దర్శకుడు శరత్ మండవ దర్శకత్వంలో రూపొందుతున్న చిత్రం రామారావు ఆన్ డ్యూటీ..!! ఈ చిత్రం ఎనౌన్స్ మెంట్ మొదలైనప్పటి నుంచి సినిమాపై పాజిటివ్ బజ్ క్రియేట్ అయింది.. ఈ చిత్రంలో మజిలీ ఫేమ్ దివ్యాన్ష కౌశిక్, మలయాళ నటి రాజేష్ విజయన్ హీరోయిన్లుగా నటిస్తున్నారు.. తాజాగా ఈ చిత్రంలో వేణు తొట్టెంపూడి కీలక పాత్రలో నటిస్తున్నట్లు ప్రకటించారు మేకర్స్..!! ఈ సందర్భంగా వెల్కమ్ ఆ బోర్డ్ వేణు అంటూ ఓ పోస్టర్ను విడుదల చేశారు మేకర్స్..!!
1999 లో స్వయంవరం సినిమాలో నటించి తొలి సినిమాతోనే నంది స్పెషల్ జ్యూరీ అవార్డును అందుకున్నాడు వేణు తొట్టెంపూడి.. ఆ తరువాత 26 సినిమాల్లో నటించిన ఈయన సుమారు 17 సినిమాలు హిట్ అయ్యాయి. గోపి గోపిక గోదావరి సినిమా తరువాత జూనియర్ ఎన్టీఆర్ నటించిన దమ్ము సినిమాలో క్యారెక్టర్ ఆర్టిస్ట్ గా నటించి ఆ తర్వాత ఇండస్ట్రీకి దూరమయ్యారు. మళ్లీ ఇంత కాలం తరువాత రామారావు ఆన్ డ్యూటీ సినిమా తో రీఎంట్రీ ఇస్తున్నారు వేణు తొట్టెంపూడి..
ఇటీవల ఈ సినిమా షూటింగ్ హైదరాబాద్ అల్యూమినియం ఫ్యాక్టరీలో ప్రారంభమైంది. శ్రీ లక్ష్మీ వెంకటేశ్వర బ్యానర్ పై సుధాకర్ చేకూరి ఈ చిత్రాన్ని నిర్మిస్తున్నారు. ప్రవీణ్ కె.ఎల్ ఎడిటింగ్ వర్క్, సత్యన్ సూర్యన్ సినిమాటోగ్రాఫర్ గా వ్యవహరిస్తున్నారు. యాక్షన్ ఎంటర్టైనర్ థ్రిల్లర్ గా రూపొందుతున్న ఈ చిత్రానికి శ్యామ్ సిఎస్ సంగీతం సమకూరుస్తున్నారు. రవితేజ ఈ చిత్రంలో సిన్సియర్ రెవెన్యూ ఆఫీసర్ గా నటించనున్నారు. ఈ సినిమాలో వేణు తొట్టెంపూడిని ఎనౌన్స్ చేసి ఈ చిత్రం పై మరోసారి హైప్ ను క్రియేట్ చేశారు మేకర్స్.
