డ్రైవర్ లేకుండానే ఓ కారు న‌డుస్తున్న‌ది. అది కూడా ఓ ప్యాసింజ‌ర్‌ను ఎక్కించుకుని మ‌రీ రోడ్డుపై రైయి రైయి మంటూ దూసుకుపోతున్న‌ది. రోడ్డుపై భారీగీ వాహానాలు వెళుతున్న ఎలాంటి ఇబ్బంది లేకుండా.. త‌న మార్గంలో తాను షికారు చేస్తోంది ఈ మాయా కారు. దీనికి సంబంధించిన ఓ వీడియో ప్రస్తుతం సోష‌ల్ మీడియాలో తెగ వైర‌ల్ అవుతున్న‌ది. త‌మిళ‌నాడు రోడ్లపై తిరుతున్న ఈ కారు విడియో తీసి ఓ నెటిజన్ స‌మాజిక మాధ్య‌మమైన ఫేస్‌బుక్‌లో పోస్ట్ చేశాడు. దీనికి ‘’ఇది ఎలా సాధ్యమవుతుంది‘’ అంటూ క్యాప్షన్ పెట్టాడు.
చెన్నై రోడ్లపై తిరుగుతున్న మాయ కారు ఫియట్ సంస్థకు చెందినది. ఈ వీడియోలో ఫియట్ కారు రోడ్డుపై జోరుగా దూసుకెళ్తున్న‌ది. డ్రైవర్ సీటులో ఎవ‌రూ లేకుండా ఖాళీగా ఉండ‌టం స్ప‌ష్టంగా క‌నిపిస్తున్న‌ది. అలాగే, డ్రైవర్ ప‌క్క ప్యాసింజర్ సీటులో ఓ వ్య‌క్తి మాస్కు పెట్టుకుని కుర్చుని ఉన్నాడు. కారు దానిప‌ని అది చేసుకుంటూ వెళ్తూనే ఉంది. దీనిని చూసిన మరో వాహ‌నంలో ఉన్న వ్య‌క్తి .. ఆ మాయా కారును ఫాలోచేస్తూ వీడియో తీశాడు. ఆ త‌ర్వాత దానిని స‌మాజిక మాధ్య‌మాల్లో పోస్ట్ చేశాడు. దీనికి ‘’ఇది ఎలా సాధ్యమవుతుంది‘’ అనే క్యాప్షన్ పెట్టాడు. ప్రస్తుతం ఈ వీడియో నెట్టింట్లో తెగ చక్కర్లు కొడుతోంది.
ఈ వీడియో చూసిన వారు ఆసక్తికరమైన కామెంట్లు చేస్తున్నారు. ‘’ ఈ మాయదారి కారు ఎక్కడుంది? ఎలా ఇది?‘’ అంటూ నెటిజన్ కామెంట్ చేశాడు. ‘’ఈ కారుకు దెయ్యం పట్టిందా ఎంటీ ‘’ అంటూ మరోక స్పందించారు. ఈ మాాయదారి కారు.. దెయ్యం పట్టిన దానిలా.. రోడ్డుపై దూసుకుపోతున్న దానికి వెనుకున్న రహస్యాన్ని ఓ నెటిజన్ బట్టబయలు చేశాడు. ఈ ఫియట్ కారు టూ వే పెడల్ సిస్టవ్ కలిగి ఉంటుందనీ, దీనిని ఎక్కువగా డ్రైవింగ్ స్కూల్స్ లో ఉపయోగిస్తారని తెలిపాడు. ఎంతో అనుభవం ఉన్న డ్రైవర్.. ప్యాసింజర్ సీట్లో కూర్చుని.. కారు స్టీరింగ్ ను కూడి చేతితో కంట్రోల్ చేస్తున్నాడని వివరించాడు.
