అఫీషియల్ VLC వెబ్సైట్, డౌన్లోడ్ లింక్కు యాక్సెస్ బ్లాక్?
VLC Media Player Banned: బెస్ట్ మీడియా ప్లేయర్ సాఫ్ట్వేర్స్లో VLC మీడియా ప్లేయర్ ఫస్ట్ ప్లేస్లో నిలుస్తుందనడంలో సందేహం లేదు. ల్యాప్టాప్స్, డెస్క్టాప్ పీసీలు వాడే వారందరూ కూడా VLC ప్లేయర్పైనే ఆధారపడుతుంటారు. ఆండ్రాయిడ్, ఐఓఎస్ యూజర్లకు కూడా ఇదొక ఫేవరెట్ మీడియా ప్లేయర్ అని చెప్పవచ్చు.
అయితే భారత ప్రభుత్వం వీఎల్సీ ప్లేయర్ను బ్యాన్ చేసి యూజర్లకు భారీ షాక్ ఇచ్చింది. ఐటీ చట్టం, 2000 ప్రకారం ఎలక్ట్రానిక్స్, ఇన్ఫర్మేషన్ టెక్నాలజీ మంత్రిత్వ శాఖ వీఎల్సీ అఫీషియల్ వెబ్సైట్, డౌన్లోడ్ లింక్ను బ్యాన్ చేయాలంటూ ఆదేశించింది. దాంతో ఇంటర్నెట్ సర్వీస్ ప్రొవైడర్లు అయిన ఎయిర్టెల్, జియో, వొడాఫోన్ ఐడియా వంటివి ఈ సైట్కు యాక్సెస్ను బ్లాక్ చేసాయి. ఫలితంగా ఇండియాలో నివసించే ఎవరూ కూడా వీఎల్సీ వెబ్సైట్ను ఓపెన్ చేయలేరు. అలాగే వాటిలోని సర్వీసులను ఉపయోగించలేరు.
నిషేధం విధించినప్పటికీ ఇప్పటికే సాఫ్ట్వేర్ లేదా యాప్ డౌన్లోడ్ చేసుకున్న వారు ఎలాంటి అంతరాయాలు లేకుండా ఉపయోగించవచ్చు.
ఇండియాలో వీఎల్సీ మీడియా ప్లేయర్ బ్యాన్: గూగుల్, యాపిల్ స్టోర్స్లో బ్యాన్ కాని వీఎల్సీ
గూగుల్ ప్లే స్టోర్, యాపిల్ యాప్ స్టోర్లో వీఎల్సీ యాప్ ఇన్స్టాల్ చేసుకోవడానికి అందుబాటులో ఉంది. నిషేధం విధించినప్పటికీ ఇప్పటికే సాఫ్ట్వేర్ లేదా యాప్ డౌన్లోడ్ చేసుకున్న వారు ఎలాంటి అంతరాయాలు లేకుండా ఉపయోగించవచ్చు.
ఎందుకంటే ఓన్లీ వీఎల్సీ అఫీషియల్ వెబ్సైట్, డౌన్లోడ్ లింక్ను మాత్రమే బ్యాన్ చేయడం జరిగింది. అందుకే ఫిబ్రవరి 13, 2022లోనే కేంద్రం దీనిపై నిషేధం విధించినా మొన్నటి దాకా ఎవరికీ తెలియలేదు. ఇదొక సాఫ్ట్ బ్యాన్ కాబట్టి వీఎల్సీని అభివృద్ధి చేసిన వీడియోలాన్ కంపెనీ ఎలాంటి ప్రకటన చేయలేదు. ఇక మన ప్రభుత్వం కూడా ఏ అధికారిక ప్రకటన వెల్లడించకపోవడం గమనార్హం.
వీఎల్సీని బ్యాన్ చేయాల్సిన అవసరం ఏంటి?
Reasons for VLC Ban in India: చైనా దేశం మనకి శత్రువుగా మారిన నేపథ్యంలో చైనీస్ యాప్స్ను బ్యాన్ చేయడంలో ఒక అర్థం ఉంది. మరి ప్యారిస్కి చెందిన వీఎల్సీని ఎందుకు నిషేధించినట్లు? అనే సందేహం అందరిలోనూ మొదలయ్యింది. అయితే దీని వెనుక ఒక ముఖ్య కారణం ఉందని తెలుస్తోంది. చైనా మద్దతుగల సికాడా అనే హ్యాకింగ్ టీం హానికరమైన మాల్వేర్ లోడ్ను టార్గెటెడ్ పీసీలలో పంపించడానికి వీఎల్సీ ప్లేయర్ను ఉపయోగించింది. ఈ విషయాన్ని సైబర్ భద్రతా నిపుణులు గుర్తించి అందరికీ వెల్లడించారు. ఈ విషయం తెలిసినా కేంద్రం వీఎల్సీతో యూజర్లకు ముప్పు ఉంటుందనే ఉద్దేశంతో దీనిని బ్యాన్ చేసినట్లు తెలుస్తోంది. దీని వెనుక ఉన్న కచ్చితమైన కారణం ఏంటనేది కేంద్రం అధికారిక ప్రకటన చేసే వరకు తెలియకపోవచ్చు.