Weight Gain: వయసుతో సంబంధం లేకుండా ఈ రోజుల్లో ఎక్కువ మందిని వేధిస్తున్న సమస్య ఊబకాయం.. అధిక బరువు కారణంగా అనేక ఆరోగ్య సమస్యలు తలెత్తుతాయని అందరికీ తెలిసిందే.. బరువు ఎక్కువగా ఉంటే గుండె సంబంధిత సమస్యలతో పాటు రక్తపోటు వస్తుందని పలు అధ్యయనాలు చెబుతున్నాయి.. తాజాగా చేసిన అధ్యాయనాలలో మరో ఆసక్తికర విషయం తేలింది..!! అదేంటంటే..!?
ఊబకాయం వలన శరీరంలో దీర్ఘకాలిక ఇన్ఫ్లమేషన్ ఏర్పడుతుంది. దీని వలన శరీరంలోని ఎముకలలో విచ్ఛిన్నత పెరుగుతుంది. మన దంతాలు పట్టి వుంచే ఎముక లలో కూడా విచ్ఛిన్నత పెరుగుతుంది. ఇందువలన దంతాలు త్వరగా ఊడిపోయే ప్రమాదం ఏర్పడుతుంది. దీనితో పాటు చిగుళ్ల సమస్యలు కూడా వస్తాయి. ఈ కొత్త అధ్యయనాన్ని న్యూయార్క్ లోని యూనివర్సిటీ ఆఫ్ బఫెలో పరిశోధకులు నిర్వహించగా.. ఈ వివరాలను జనరల్ ఆఫ్ డెంటల్ రీసెర్చ్ మ్యాగ్జైన్ లో ప్రచురించారు.