Hyperglycemia: హైపర్ గ్లైసీమియా.. అంటే రక్తంలో చక్కెర స్థాయిలు ఎక్కువగా ఉండటం.. డయాబెటిస్ ఉన్నవారు సక్రమంగా మందులు వేసుకోకపోయినా ఎక్కువగా ఆహారం తీసుకున్నా, శారీరక శ్రమ లేకపోయినా రక్తంలో గ్లూకోజ్ స్థాయిలు పెరుగుతాయి.. హైపర్ గ్లైసీమియా అనేది ఒక అధిక స్థాయి షుగర్ దశ.. ఈ సమస్య వచ్చినప్పుడు ఎటువంటి లక్షణాలు కనిపిస్తాయో..!? ఎలాంటి జాగ్రత్తలు తీసుకోవాలో ఇప్పుడు చూద్దాం..!!
మధుమేహంతో బాధపడుతున్న వారు నూటికి నూరు శాతం మంది ఏదో ఒక దశలో కచ్చితంగా హైపర్ గ్లైసీమియా కు గురవుతున్నది వాస్తవం. హై బ్లడ్ గ్లూకోజ్ ఏర్పడే పరిస్థితి నే అంటారు. టైప్ -1 డయాబెటిస్ తో బాధపడుతున్న వారు సరిపడినంత ఇన్సులిన్ ను తీసుకోకపోయినా.. టైప్ -2 డయాబెటిస్ ఉన్న వారు ఎక్కువగా ఆహారం తీసుకున్నా, వీళ్ళు వేసుకునే మందులు రెసిస్టెన్స్ వచ్చిన కారణంగా పనిచేయకపోయినా, రెగ్యులర్ గా చేసే వ్యాయామం చేయకపోయినా, ఒత్తిడికి గురైన వారిలో బ్లడ్ గ్లూకోజ్ లెవల్స్ బాగా పెరుగుతుంది. ఈ లక్షణాల గురించి ఖచ్చితంగా ప్రతి ఒక్క డయాబెటిక్ పేషెంట్ తెలుసుకోవాలి.
రక్తంలో చక్కెర స్థాయిలు పెరిగినప్పుడు ఎక్కువగా అలసిపోవడం, ఎక్కువగా మూత్ర విసర్జన, చేయడం ఎక్కువగా దప్పిక వేయటం ఉంటుంది. ఈ సమస్యలు ఎక్కువ రోజులు ఉంటే కిడ్నీ సంబంధిత సమస్యలు వస్తాయి. ఇంకా కంటి రెటీనా సమస్యలు తలెత్తుతాయి. కాళ్ళకి, చేతులకి, కీళ్ళకు సక్రమంగా రక్తప్రసరణ జరగదు. గుండె సంబంధిత సమస్యలు తలెత్తుతాయి. ముఖ్యంగా గుండెపోటు వచ్చే ప్రమాదం ఎక్కువ. అరికాళ్ళలో మంటలు, తిమ్మిర్లు, నరాల సంబంధ వ్యాధులు బాధిస్తాయి.