Tea Or Coffee: నిద్ర లేస్తూనే టీ లేదా కాఫీ తాగే అలవాటు చాలా మందికి ఉంటుంది.. అలా తాగకపోతే ఆరోజంతా చిరాకు, కోపం, చికాకుగా ఉంటారు.. అదే వేడి వేడిగా ఓ కప్పు టీ లేదా కాఫీ తాగితే ఉత్సాహంతో ఉరకలు వేస్తారు.. మరి మనం నిత్యం తాగే టీ, కాఫీ ల లో ఏది మంచిదో తెలుసుకుందామా..!?
టీ, కాఫీ రెండు ఆరోగ్యానికి మంచివే.. ఈ రెండింటి లో 400 మిల్లీగ్రాముల కెఫిన్ ఉంటుంది. దీనిని మితంగా తీసుకుంటే పలు అనారోగ్య సమస్యలను తగ్గిస్తాయి. అదే శృతిమించితే అనేక ఆరోగ్య సమస్యలు చుట్టుముట్టే అవకాశం ఉంది. రోజుకు రెండు కప్పుల టీ ఆరోగ్యానికి మంచిదని ఆరోగ్యనిపుణులు చెబుతున్నారు. అదేవిధంగా రోజుకి ఒక కప్పు కాఫీ ఆరోగ్యదాయకమే.. ఇంతకు మించి ఎక్కువ మోతాదులో తీసుకుంటే మాత్రం ఆరోగ్య సమస్యలు వెంటాడతాయి.
డయాబెటిస్, గుండె జబ్బులతో బాధపడుతున్న వారు వీలైనంత వరకు కాఫీ తాగితే మంచిది. అంతే కాకుండా క్యాన్సర్ తో బాధపడుతున్న వారు కాఫీ తాగితే మంచిదని వైద్య నిపుణులు సూచిస్తున్నారు. టీ తో పోల్చుకుంటే కాఫీ లో ఏసిడిక్ గుణాలను కలిగి ఉంది. ఇందు లో కొవ్వును కరిగించే గుణాలు ఎక్కువగా ఉన్నాయి. టీ తాగడం వలన శరీరానికి ఉత్సాహం, ఉత్తేజం రెండు కలుగుతాయి. అదే ఎక్కువగా తాగితే అసిడిటీ పెరిగి అల్సర్ రావడానికి అవకాశం ఉంది.