ఎంతో ప్రతిష్టాత్మకంగా, మరెంతో భారీగా రూపొందుతున్న చిత్రం `సాహో`. `బాహుబలి` తర్వాత ప్రభాస్ నటిస్తున్న చిత్రం కావడంతో సినిమాపై భారీ అంచనాలు ఉన్నాయి. దానికి తగ్గట్టుగానే భారీ బడ్జెట్‌తో ఈ సినిమాను రూపొందిస్తున్నారు. ఇప్పుడు ‘సాహో’ షూటింగ్ తుదిదశకు చేరుకున్నట్టు తెలుస్తోంది. ప్రస్తుతం ముంబైలో ఈ సినిమా షూటింగ్ జరుగుతోంది. సినిమాలోని కొన్ని కీలక సన్నివేశాలను ముంబైలోని పలు లొకేషన్స్‌లో చిత్రీకరిస్తున్నారు. ఈ సినిమాను ప్రారంభించింది ముంబైలో.. కాబట్టి అక్కడే ముగింపు కూడా చేయాలని యూనిట్ భావిస్తోంది. ప్రభాస్ సరసన శ్రద్ధా కపూర్ హీరోయిన్‌గా నటిస్తున్న ఈ సినిమాని సుజిత్ దర్శకత్వంలో యు.వి.క్రియేుషన్స్ సంస్థ నిర్మిస్తోంది. జాకీష్రాఫ్, మందిరా బేడీ, నీల్‌నితిన్ ముఖేష్, అరుణ్ విజయ్, వెన్నెల కిశోర్ తదితరులు ముఖ్యపాత్రలు పోషిస్తున్న ఈ చిత్రానికి శంకర్-ఎహసన్-లాయ్ సంగీతం అందిస్తున్నారు. అన్ని కార్యక్రమాలు పూర్తి చేసి ఆగస్ట్ 15న చిత్రాన్ని విడుదల చేసేందుకు సన్నాహాలు చేస్తున్నారు.
వెనక్కి లాగే ప్రయత్నం చేశారు