ఇటీవలి కాలంలో ప్రోస్టేట్ కాన్సర్ బారిన పడే వారి సంఖ్య పెరుగుతోంది. అమెరికాలో అయితే ప్రతి తొమ్మిది మంది పురుషుల్లో ఒకరు ప్రోస్టేట్ కాన్సర్కు గురవుతున్నారు. ఈ కారణంగా ఈ వ్యాధిపై పరిశోధన ఎక్కువగా జరుగుతోంది. తాజాగా బంగారం నానో పార్టికల్స్తో కాన్సర్ను నయం చేయవచ్చని బయటపడింది.
హూస్టన్లోని టెక్సాస్ హెల్త్ సైన్సెస్ యూనివర్సిటీకి చెందిన వైద్యుల బృందం ఈ పరిశోధన చేపట్టింది. ప్రోస్టేట్ కాన్సర్కు చికిత్స అందుబోటులో ఉంది కానీ సైడ్ ఎఫెక్ట్స్ ఎక్కువ. రేడియెషన్ థెరపీ, కీమో థెరపీ, క్రయో థెరపీ వంటి చికిత్సలు ప్రస్తుతం అందుబాటులో ఉన్నాయి. ఈ చికిత్సలు పనికిరావని భావించినపుడు సర్జరీ ద్వారా ప్రోస్టేట్ గ్రంధిని తొలగిస్తారు.
బంగారు పూత పూసిన సిలికా గ్లాస్ నానో పార్టికల్స్ను తాజా పరిశోధనల్లో ప్రయోగించారు. లేజర్ ద్వారా నానో పార్టికల్స్ను అధిక ఉష్ణోగ్రతకు తీసుకువెళతారు. అవి కాన్సర్ కణాలలో ప్రవేశించి వాటిని నిర్మూలిస్తాయి. ఈ చికిత్సలో పక్కనున్న ఆరోగ్యకరమైన కణాలకు నష్టం జరగదు. ఈ చికిత్స వల్ల మూత్రం తెలియకుండానే లీక్ కావడం, పుంసత్వం తగ్గిపోవడం వంటి సైడ్ ఎఫెక్ట్ నివారించవచ్చు.
Disclaimer: This content and media is created and published online for informational purposes only. It is not intended to be a substitute for professional medical advice and should not be relied on as health or personal advice.