మందు బాబు నిర్వాకం:మందడంలో ఉద్రిక్తత!

(న్యూస్ ఆర్బిట్ బ్యూరో)

అమరావతి : అమరావతి లోనే రాజధాని కొనసాగించాలి రైతులు రిలే దీక్షలు నిర్వహిస్తుండగా గురువారం ఓ వ్యక్తి దీక్షా శిబిరంపై మద్యం సీసా విసిరేయడంతో మందడంలో ఉద్రిక్త పరిస్థితి నెలకొంది. కిష్టాయిపాలెంలో దీక్షా శిబిరంపై అమరావతి వైపు వెళుతున్న బస్సులో నుంచి ఓ వ్యక్తి దీక్షా శిబిరంపై  మద్యం ఖాళీ సీసా విసిరేశాడు. దీంతో ఆగ్రహం వ్యక్తం చేసిన గ్రామస్తులు విషయాన్ని మందడంలో దీక్షలు చేస్తున్న రైతులకు సమాచారం ఇచ్చారు. అప్పటికే విషయం తెలుసుకున్న పోలీసులు మద్యం ఖాళీ బాటిల్ దీక్షా శిబిరంపై విసిరేసిన వ్యక్తిని అదుపులోకి తీసుకున్నారు. మందడంలో గ్రామస్తులు బస్సును నిలిపివేసి, రోడ్డుపై బైఠాయించి ఆందోళన చేశారు. ఇప్పుడు ఖాళీ బాటిల్ విసిరివేశారు, తరువాత ఇంకా ఏమైనా దీక్షా శిబిరంపై వేసే ప్రమాదం ఉందంటూ ఆందోళన నిర్వహించారు. అదుపులోకి తీసుకున్న వ్యక్తిని పోలీసులు విచారించగా అతని పేరు శ్రీనివాసరెడ్డి అని, గుంటూరు జిల్లా ధరణికోటకు చెందిన వాడని తేలింది. అతను మద్యం సేవించి ఉన్నట్లు తెలుస్తోంది.