(న్యూస్ ఆర్బిట్ డెస్క్)
అడవుల్లోంచి జంతువులు అప్పుడప్పుడు రోడ్డు మీదకు వచ్చి హల్చల్ చేస్తుంటాయి. ఆ సమయంలో రోడ్డుపై వెళ్లే వాహనదారులు ఆగిపోవాల్సి ఉంటుంది. లేకపోతే ప్రజలపై దాడికి తెగబడుతుంది. తాజాగా కర్ణాటకలోని నాగర్హోల్ జాతీయ అభయారణ్యంలో ఓ ఏనుగు రోడ్డు మీద హంగామా చేసింది. ఓ ట్రక్కు డ్రైవర్కు చుక్కలు చూపించింది. గజరాజు రోడ్డు మీద వెళ్తుంటే దానికి ఆ ట్రక్కు హారన్ చిరాకు పెట్టించింది. దీంతో కోపోద్రిక్తురాలైన ఆ ఏనుగు ట్రక్కుపై తన కోపాన్ని ప్రదర్శించింది.
ట్రక్కు మీదకు దూసుకురాసాగింది. దీంతో డ్రైవర్ అప్రమత్తమై ట్రక్కును రివర్స్ గేర్ లోనే వెనక్కి మళ్లించారు. అయినా అది వదలకుండా ట్రక్కును వెంబడించింది. డ్రైవర్ తన ప్రాణాలను అరచేతిలో పెట్టుకుని చాలా దూరం వరకు ట్రక్కును వెనక్కు పోనిచ్చాడు. చివరికి అది ట్రక్కు మీద దాడికి పాల్పడింది. ఈ ఘటనలో ట్రక్కు బొన్నెట్ ధ్వంసమైంది. అయితే, డ్రైవర్ మాత్రం ప్రాణాలతో బయటపడ్డాడు. ఇందుకు సంబంధించిన వీడియో వైరల్ అవుతోంది.
Terrifying chase down y’day by angry Karnataka elephant, rips off truck bonnet with tusks @jrendell @tunkuv pic.twitter.com/TkffCMvGZw
— Michael Dwyer (@MikeDwyerMike) January 16, 2020