ఔరంగాబాద్: మహారాష్ట్రలో ఎన్నికల ప్రచారం ముగింపు దశకు చేరుకుంది. ఈ సందర్భంగా ఎంఐఎం పార్టీ అధినేత, హైదరాబాద్ ఎంపీ అసదుద్దీన్ ఓవైసీ చేసిన డ్యాన్స్ సోషల్ మీడియాలో వైరల్ గా మారింది. మహారాష్ర్ట అసెంబ్లీ ఎన్నికల్లో బరిలోకి దిగుతున్న ఎంఐఎం అభ్యర్థులు ప్రచారాన్ని హోరెత్తిస్తున్నారు. పార్టీ అభ్యర్థుల తరుపున ఔరంగాబాద్లోని పైథాన్ గేట్ లో ర్యాలీ నిర్వహించిన హైదరాబాద్ ఎంపీ అసదుద్దీన్ ఓవైసీ.. ప్రచారం తరువాత స్టెప్పులతో అదరగొట్టారు. తన ర్యాలీల్లో గంభీరంగా ప్రసంగించే ఓవైసీ ఔరంగాబాద్ ర్యాలీ అనంతరం ‘మియా భాయ్’ పాటకు డ్యాన్స్ చేశారు. వేదికపై మాట్లాడిన తర్వాత.. అక్కడ నుంచి వెనుదిరుగుతున్న సమయంలో స్టేజ్ మెట్లపై ఓవైసీ స్టెప్పులేశారు. ఓవైసీ డాన్స్ చూసి సభకు హాజరైనవారు కేరింతలు కొట్టారు. ఒవైసి డాన్స్ వీడియో ప్రస్తుతం సోషల్ మీడియాలో వైరల్ అవుతోంది.
Maharashtra: AIMIM Chief Asaduddin Owaisi performs a dance step after the end of his rally at Paithan Gate in Aurangabad. (17.10.2019) pic.twitter.com/AldOABp2yd
— ANI (@ANI) October 18, 2019
మహారాష్ట్రలోని 288 అసెంబ్లీ నియోజకవర్గాలకు గాను, ఎంఐఎం పార్టీ 44 స్థానాల్లో పోటీ చేస్తున్నది. మహారాష్ట్రలో ఈ నెల 21న అసెంబ్లీ ఎన్నికలు జరగనున్నాయి. 24న ఫలితాలు వెలువడనున్నాయి.
#Watch
These visuals are intresting. @aimim_national chief @asadowaisi was so jublient that he danced after an election rally in Aurnagabad.
Is he confident that his party tally is going to increase in #MaharashtraElections2019?#AIMIM has fielded 44 candidates this time. pic.twitter.com/teyXN6ESwj— T Raghavan (@NewsRaghav) October 18, 2019