పులి చేతికి చిక్కి.. బతికాడు!

(న్యూస్ ఆర్బిట్ డెస్క్)

అడవిలో వెళ్తున్నప్పుడు పులి మీ వెంట పడితే.. ఆ సమయంలో ఎలా ఉంటుంది ? ఊహించుకోవడానికే భయం వేస్తుంది కదా. అదే గ్రామంలోకి వస్తే? ఒక వేళ నిజంగానే ఎవరికైనా అలాంటి పరిస్థితి ఎదురైతే తప్పించుకోవడం కష్టమే. పెద్దపులి పంజా విసిరిందంటే ఎవరూ తప్పించుకోలేరు. ఓ వ్యక్తి పులి  నోటికి ఆహార‌మ‌య్యేవాడు కాని చివ‌రి నిమిషంలో త‌ప్పించుకున్నాడు.

You want to see how does a narrow escape looks like in case of encounter with a #tiger. #Tiger was cornered by the crowd. But fortunately end was fine for both man and tiger. Sent by a senior. pic.twitter.com/1rLZyZJs3i

— Parveen Kaswan, IFS (@ParveenKaswan) January 25, 2020

ఇటీవల కాలంలో జనావాసాల్లోకి పులులు, ఇతర క్రూరమృగాలు వస్తుండడం పరిపాటిగా మారింది. మహారాష్ట్రలోని భందారా జిల్లాలోని ఓ గ్రామంలోకి పెద్దపులి ప్రవేశించింది. హడలిపోయిన గ్రామస్తులు దాన్ని అడవిలోకి తరిమేసేందుకు ప్రయత్నించారు. దాన్ని పొలాల మీదుగా అడవిలోకి మళ్లించే ప్రయత్నంలో ఓ వ్యక్తి పులికి దొరికిపోయాడు. అతడ్ని ఒడిసిపట్టుకున్న పులి చంపేందుకు ప్రయత్నించింది. అయితే అంతటి విపత్కర పరిస్థితిలోనూ ఆ వ్యక్తి బుర్ర బాగా పనిచేసింది. వెంటనే చచ్చినశవంలా పడుకుండిపోయాడు. అతడిలో కదలిక లేకపోవడం గమనించిన పులి పంజాతో కొట్టి గాయపరిచే ప్రయత్నాన్ని విరమించుకుంది. ఇంతలో గ్రామస్తులు పెద్ద సంఖ్యలో రావడంతో అతడ్ని వదిలేసి అడవిలోకి పరుగులు తీసింది. పులి వెళ్లిన మరుక్షణమే ఆ వ్యక్తి చెంగున లేచాడు. దీనికి సంబంధించిన వీడియోను అటవీ శాఖ అధికారి పర్వీస్ కస్వాన్ తన ట్విట్టర్ ఖాతాలో షేర్ చేశారు. ప్రస్తుతం ఈ వీడియో సామాజిక మాధ్యమాల్లో వైరల్ అవుతోంది.

https://twitter.com/Tweetbis0n/status/1221078080778694656

Mahesh

See Full Bio