(న్యూస్ ఆర్బిట్ డెస్క్)
అమెరికాలో ఒక వ్యక్తి అడ్డగోలుగా కారు నడుపుతూ దానిని లైవ్ స్ట్రీమింగ్ చేశాడు. చివరికి ఆ కారు ప్రమాదం పాలయింది, అదుపు తప్పి పల్టీలు కొట్టింది. కనెక్టికట్ పోలీసులు ఈ వీడియోను ఫేస్బుక్లో పోస్టు చేశారు. ఇది చూసైనా జాగ్రత్తగా డ్రైవ్ చేయండి అంటూ జనానికి హితవు చెబుతున్నారు.
https://www.facebook.com/189480168163606/videos/2352364555075299/
ఈ వీడియోలో డ్రయివర్ విపరీతమైన వేగంతో కారు నడపడం కనబడుతుంది. మధ్యలో ఒకచోట కెమేరా స్పీడోమీటర్ను చూపిస్తుంది. కారు గంటకు 160 కిలోమీటర్లకు మించిన వేగంతో పోతున్నట్లు మనకు అర్ధం అవుతుంది. ఒకచోట హైవే నుంచి పక్కకు మళ్లినపుడు కారు అదుపు తప్పుతుంది. కారు పల్టీలు కొడుతున్నట్లు మనకు అర్ధం అవుతుంది.
కారు నడిపింది కెన్నెత్ హోఫ్లర్ అనే వ్యక్తి. అదృష్టవశాత్తూ పెద్ద గాయాలేమీ కాకుండా అతను బయటపడ్డాడు. కారులోనుంచి బయటకు రాగానే అతనిని అరెస్టు చేశారు. కారు వేగంగా నడపడం, లైసెన్స్ లేకుండా నడపడం, ఇన్స్యూరెన్స్ లేని కారు నడపడం, పద్ధతి లేకుండా మలుపు తిప్పడం, ఔన్సు కన్నా ఎక్కువ గంజాయి దగ్గర ఉంచుకోవడం అన్న అభియోగాలతో అతనిపై కేసు పెట్టారు.