(న్యూస్ ఆర్బిట్ డెస్క్)
కాలిఫోర్నియాలో ప్రకృతి ప్రళయం రాకాసి అలలు సునామీ రూపంలో ఎగిసిపడి ఓ యువకుడిని సుముద్రంలోకి లాక్కెళ్లిన వీడియో ఇప్పుడు సోషల్ మీడియాలో వైరల్ అవుతోంది. గతేడాది డిసెంబర్ 20వ తేదీన శాంటా క్రజ్ కౌంటీలోని బోనీ డూన్ బీచ్ లో పసిఫిక్ మహాసముద్రం ఒడ్డు ఉన్న బండ రాయిపై ఇరవై ఏళ్ల యువకుడు వేచి ఉన్నాడు. ఆ సమయంలో ఎగిరెగిరిపడ్డ రాకాసి అలలు అతనిపై విరుచుకుపడ్డాయి. అలల దాడితో ఆ యువకుడు సముద్రంలో జారి పడిపోయాడు. దీంతో సదరు యువకుడికి తీవ్ర గాయాలు అయ్యాయి. ఇందుకు సంబంధించిన తొమ్మిది సెకన్ల వీడియోని శాంటా క్రజ్ కౌటీ ఫేస్బుక్ పేజీలో షేర్ చేశారు. ‘తీర ప్రాంతాల పర్యాటనకు వెళ్లిన వారు జాగ్రత్త. సముద్ర తీరం అంచులకు అస్సలు వెళ్లకండి. లేదంటే ఈ కుర్రాడి లాగే మిమ్మల్ని అలలు మింగొచ్చు జాగ్రత్త’ అంటూ హెచ్చరించారు.
https://www.facebook.com/countyofsantacruz/videos/3049150471976796/?t=1
ప్రస్తుతం ఈ వీడియో ఇప్పుడు సోషల్ మీడియాలో వైరల్ అవుతోంది. తొమ్మిది సెకండ్ల నిడివి గల ఈ వీడియో చూసి నెటిజన్లు షాకవుతున్నారు. ‘వామ్మో! ఆ వ్యక్తి బండరాయిపై చీమలా కనిపిస్తున్నాడు. అదృష్టవంతుడు.. లేదంటే క్షణాల్లో చచ్చేవాడే’ అంటూ కామెంట్లు పెడుతున్నారు.