(న్యూస్ ఆర్బిట్ డెస్క్)
ఒకరిది ప్రాణాల కోసం పోరాటం.. మరొకరిది కడుపు నింపుకోవడం కోసం ఆరాటం. అయితే, సింహాల మద్య చోటు చేసుకున్న ఫైటింగ్ తో వాటికి చిక్కిన ఆహారం చేజారిపోయింది. సింహాలకు బలి కాకుండా ఓ అడవి దున్న తెలివిగా తప్పించుకుంది. దక్షిణాఫ్రికాలోని క్రూగర్ జాతీయ పార్కులో చోటు చేసుకుంది. బాగా ఆకలితో ఉన్న సింహాలు… ఓ అడవి దున్నుపై పంజా విసిరాయి. దానిని ఈడ్చుకువచ్చి బంధించాయి. దానిని తినేందుకు మరో ఐదు సింహాలు గుమిగూడాయి. ఇంతలోనే ఆ గుంపులోని రెండు సింహాల మధ్య ఫైట్ మొదలైంది. మిగతా సింహాలు కూడా ఫైట్ లో పాల్గొన్నాయి. అయితే ఇదే అదునుగా భావించిన అడవి దున్న అక్కడి నుంచి మెల్లగా తప్పించుకుని పారిపోయింది. ఆ తర్వాత సింహాలు కూడా విచ్చలవిడిగా పరుగెత్తాయి.
దీనికి సంబంధించి 30 సెకన్ల నిడివి ఉన్న వీడియోను ఇండియన్ ఫారెస్ట్ సర్వీసెస్ అధికారి ప్రవీణ్ కశ్వాన్ తన ట్విట్టర్ లో పోస్టు చేశాడు. ఈ సింహాలకు ఒక పాఠం నేర్పుతాయి. వాటి దగ్గర తినడానికి ఆహారం ఉంది కానీ ఒకరితో ఒకరు పోరాడాలని నిర్ణయించుకున్నారు. ఆహారం దూరంగా వెళ్ళిపోయింది అంటూ ప్రవీణ్ కశ్వాన్ పోస్ట్ చేశారు. ఇప్పుడు ఈ వీడియో సోషల్ మీడియాలో వైరల్ అవుతోంది.
https://twitter.com/ParveenKaswan/status/1168030066325872640