(న్యూస్ ఆర్బిట్ డెస్క్)
కోళ్లు రవాణా చేస్తున్న లారీ బోల్తా పడి లక్షల రూపాయలు నష్టపోయామని డ్రైవర్ బాధపడుతుండగా సందట్లో సడేమియా అన్నట్టుగా కోళ్లు దొరికాయని గ్రామస్థులు దొరికిన కోళ్లను దొరికినట్టే పట్టుకుపోయారు. పైగా కోళ్లు భలే దొరికాయిలే.. అంటూ ఆనందం వ్యక్తం చేశారు. స్థానికులు కొంత మంది అయితే లారీ పైకి ఎక్కి మెస్లు తెంపుకుని మరీ ఎవరికి వారు అందివచ్చిన కోళ్లను ఎత్తుకెళ్లారు. ఈ ఘటన ఒడిశాలోని సంబల్ పూర్ జిల్లాలో చోటు చేసుకుంది. ఇందుకు సంబంధించిన వీడియో ఇప్పుడు సోషల్ మీడియాలో వైరల్ గా మారింది.
Locals steal broiler chickens after the truck, carrying the poultry, crashes near Tendakudar in Kuchinda of #Sambalpur district #Odisha pic.twitter.com/yBwN7t4NdD
— OTV (@otvnews) October 30, 2019
కోళ్ల లోడుతో వస్తున్న ఓ వ్యాన్ అదుపుతప్పి బోల్తా పడింది. అందులో ఉన్నవారికి గాయాలయ్యాయి. విషయం తెలుసుకున్న స్థానికులు ఘటనాస్థలికి పరిగెత్తారు. కళ్ల ముందు కోళ్లు పడి ఉంటే ఊరుకుంటారా. బోల్తా పడిన కోళ్ల వ్యాన్లో నుంచి కోళ్లను తీసుకెళ్లిపోయారు. మానవత్వం ఉన్న కొందరు మాత్రం గాయపడిన వారిని ఆసుపత్రికి తరలించేందుకు సహాయపడ్డారు.