(న్యూస్ ఆర్బిట్ డెస్క్)
ఆస్ట్రేలియా, నార్తరన్ టెరిటొరి (ఎన్టి) సోమవారం రాత్రి ఉల్కాపాతంతో వెలిగిపోయింది. కనులు మిరిమిట్లు గొలిపే వెలుగుతో సంభవించిన ఈ ఉల్కాపాతాన్ని సిసిటివి కెమేరాలు బంధించాయి. ఆదివారం అర్ధరాత్రి దాటిన తర్వాత ఎలీస్ స్ప్రింగ్స్ అనే పట్టణం నుంచి ఉల్కాపాతం గురించి ఒక పౌరుడు ఫోన్ చేశాడని ఎన్టి పోలీసు అధికారి ఒకరు చెప్పారు. ఆ వెంటనే పోలీసులు ఉల్కాపాతం ఎక్కడైనా రికార్డయిందేమోనని తమ సిసిటివి కెమేరాలు తనిఖీ చేశారు.
ఎలీస్ స్ప్రింగ్స్ నుంచి 500 కిలోమీటర్ల దూరంలో ఉన్న టెన్నట్ క్రీక్ అనే గ్రామం దగ్గరి సిసిటివి కెమేరాలో ఉల్కాపాతం రికార్డయినట్లు ఎబిసి వార్తాసంస్థ తెలిపింది. ప్రకాశవంతమైన నీలం రంగు కాంతిపుంజం ఆకాశం నుంచి భూమ్మీదకు రావడం అందులో కనబడుతుంది. ఉల్కాపాతం సంభవించినపుడు పట్టపగలుగా తయారయిందని స్థానికులు చెప్పారు. అపుడు పెద్ద ధ్వని కూడా వచ్చిందనీ, దానితో కిటికీలు అదిరాయనీ వారు అన్నారు. ఈ ఉల్క ఎక్కడయినా భూమిని తాకిందో లేదో తెలియదు.
ఉల్కాపాతం వీడియో చూడండి:
Video Courtesy: Mega News